影片
更多
2016-08-18
1920 浏览
朋友M忽然比左訊息我，話有好消息，仲話今晚請食飯。但。。今晚係孟蘭節，媽咪都話唔好出夜街呀！佢又誠意十足，唯有食完快快返屋企啦！朋友話已經訂左枱食Amour Corner，我話未食過，趁lunch time上網睇下有乜食，反正未試過就去試下。約左餐廳等，孟蘭節又落雨都有些狼狽，好彩早左去潮流特區行街，夠鐘時過返馬路好快就到。朋友M原來已經到左。餐廳基本上得set dinner, 無散叫。set dinner 有分普通及尊貴，我地揀左普通set dinner $298 朋友話要試埋海鮮拼盤$228，見到有生蠔，鮑魚，青口等，一於試埋。睇下環境先，全場會較黑暗暗，每枱配上小蠟燭，枱頭電視不斷播放韓團MV, 播著不同的英文歌，感覺舒服。而且不限時，未到7點半已滿座，而且不斷有街客入，可惜無訂枱所以無位比佢地。Order 左約10分鐘，已上了海鮮拼盤。整碟上黎好整齊，4隻法國生蠔，2隻藍青口，2隻鮑魚，2隻牡丹蝦。2人份量啱啱好！生蠔新鮮，重海水味，我只滴上檸檬汁已經可以突出鮮味！牡丹蝦：有手掌咁大隻，能保持蝦的新鮮，朋友M仲話如果可以炸埋個蝦頭就正。藍青口 ：味道正常鮑魚：我沾上少少鼓油，味
朋友話已經訂左枱食Amour Corner，我話未食過，趁lunch time上網睇下有乜食，反正未試過就去試下。
約左餐廳等，孟蘭節又落雨都有些狼狽，好彩早左去潮流特區行街，夠鐘時過返馬路好快就到。朋友M原來已經到左。餐廳基本上得set dinner, 無散叫。set dinner 有分普通及尊貴，我地揀左普通set dinner $298 朋友話要試埋海鮮拼盤$228，見到有生蠔，鮑魚，青口等，一於試埋。睇下環境先，全場會較黑暗暗，每枱配上小蠟燭，枱頭電視不斷播放韓團MV, 播著不同的英文歌，感覺舒服。而且不限時，未到7點半已滿座，而且不斷有街客入，可惜無訂枱所以無位比佢地。
Order 左約10分鐘，已上了海鮮拼盤。整碟上黎好整齊，4隻法國生蠔，2隻藍青口，2隻鮑魚，2隻牡丹蝦。2人份量啱啱好！生蠔新鮮，重海水味，我只滴上檸檬汁已經可以突出鮮味！
牡丹蝦：有手掌咁大隻，能保持蝦的新鮮，朋友M仲話如果可以炸埋個蝦頭就正。
藍青口 ：味道正常
鮑魚：我沾上少少鼓油，味道正常
食完拼盤，侍應收拾好快，亦更換了碟。然後上前菜兩碟。青蘋果鵝肝多士
鵝肝煎得夠香，好香鵝肝味道，唔會感覺油感重，青蘋果配上鵝肝配搭一流。只有一片未能蓋晒整片多士，如能多一片更好，多士亦脆卜卜。唔會放得太耐感覺。Parma Ham蜜瓜
Parma Ham夠鹹香，蜜瓜亦夠甜。傳統凱薩沙律
麵包多士粒唔算多，反而芝士就好足夠，沙律菜算新鮮南瓜湯 ~ 感覺唔算好濃，一飲第一啖既感覺～酸既？？朋友M都有呢種感覺，所以忍不住問下侍應，原來佢地既南瓜湯係加左「酸忌廉」可以令個湯滑d及creamy .
主菜有兩個：
烤澳洲牛柳扒 （4成熟）
我地都中意食得較生，而且平時要5成都黎左6-7成，所以今次叫左4成。果然真係有4成，切出黎見到血紅色的。牛柳能保持牛味，最欣賞係牛柳邊煎得好脆，亦唔會出現燶。忌廉汁煙三文魚菠菜意粉
一上枱時好香，馬上諗起「鬍鬚牌子酸忌廉薯片」，忌廉汁好重（完全大like), 煙三文魚粒份量多，反而菠菜就較少，由於忌廉汁多，令每束意粉也充滿沾上汁，好好入口，食慾大增。
餐飲：
點了熱檸檬水及熱咖啡二杯味道也正常
甜品：
意式奶凍，Dreyer's雪糕蛋卷意式奶凍：
奶凍做得好滑，好快已經K.O.晒
Dreyer's雪糕蛋卷：
用了士多啤梨味，朱古力蛋卷
整體好滿意，侍應有禮，有問必答。二人餐$298 有湯，2款前菜，2個主菜，飲品及甜品。性價甚高，加上近旺角，行完街去食好方便。
题外话/补充资料：
最好訂位啦~
(以上食记乃用户个人意见 , 并不代表OpenRice之观点。)
张贴
