星海薈﹒譽宴

营业中

休息中

今日同朋友到沙田譽宴慶生，酒樓員工好熱情，根據客人要求介紹菜式。上湯焗龍蝦伊麵：整隻澳洲龍蝦🦞好大，肉質潔白細嫩，味道鮮美，伊麵吸收龍蝦啲鮮甜汁液，令伊麵充滿海鮮啲滋味，整道菜仲有奶油香味，口感更豐富！星海薈脆皮燒雞：雖然半隻，但係份量十足，呈金黃色，雞皮薄如紙，且好脆，雞肉軟嫩多汁，配上特製醬汁，味道一流！菠蘿咕嚕肉：咕嚕肉炸至酥脆，黏上糖醋滷汁，其味酸甜可口，菠蘿都係新鮮嘅使肉果味濃郁，酸甜清新。椒絲腐乳通菜：通菜口感爽脆，加上腐乳的鹹香、椒絲帶來的微辣，讓人欲罷不能。我同朋友都好滿意今晚啲菜式，下次再來幫襯。