影片
更多
2023-07-06
28 浏览
今次去大埔區fine dining，食特色法國菜，據說係前文華嘅大廚，果然味道賣相都一流😍 特別推薦呢款焦糖法式燉鵝肝，非常有創意又好味。上面有層焦糖，口感同賣相都有啲似焦糖燉蛋，不過入面係非常香濃嘅鵝肝，隔離朵花原來係焗麵包，真係少啲心思都做唔到，非常值得試嘅一道前菜❤️另外要咗份海膽魚子醬多士，都好好味，海膽好多好鮮甜，配上黑魚子醬，一啖食落口真係好過癮👍🏻午市套餐嘅食物都好特別，前菜尤其推介法式鵝肝凍，好香鵝肝味之餘，仲要整到好滑，有啲似食雪糕咁，好特別。湯我哋兩款都試咗，是日餐湯係南瓜湯，甜甜哋，好好味，另一款係龍蝦湯，非常香濃，又唔會太鹹，兩款湯都好飲☺️主食方面揀咗法式西鰽鱸魚同海膽扁意粉，原本想食豬鞍，不過咁啱冇，就揀咗魚，點知錯有錯着，魚煎得好好味，層皮煎到金黃香脆，魚肉仲好嫩，配上沙律醬好夾，仲有南瓜蓉、薯蓉同紫薯蓉，賣相都非常吸引。而扁意粉都非常推薦，勁creamy，而且海膽好多，生嘅熟嘅都有，真係大滿足😌食完已經好飽，不過完美嘅一餐當然唔少得甜品😆是日甜品係我最愛嘅tiramisu😍當然諗都唔諗就揀佢啦，好好味呀😍而朋友揀咗美女與野獸，賣相一流，一朵玫瑰🌹，味道就好似
特別推薦呢款焦糖法式燉鵝肝，非常有創意又好味。上面有層焦糖，口感同賣相都有啲似焦糖燉蛋，不過入面係非常香濃嘅鵝肝，隔離朵花原來係焗麵包，真係少啲心思都做唔到，非常值得試嘅一道前菜❤️
另外要咗份海膽魚子醬多士，都好好味，海膽好多好鮮甜，配上黑魚子醬，一啖食落口真係好過癮👍🏻
午市套餐嘅食物都好特別，前菜尤其推介法式鵝肝凍，好香鵝肝味之餘，仲要整到好滑，有啲似食雪糕咁，好特別。
湯我哋兩款都試咗，是日餐湯係南瓜湯，甜甜哋，好好味，另一款係龍蝦湯，非常香濃，又唔會太鹹，兩款湯都好飲☺️
主食方面揀咗法式西鰽鱸魚同海膽扁意粉，原本想食豬鞍，不過咁啱冇，就揀咗魚，點知錯有錯着，魚煎得好好味，層皮煎到金黃香脆，魚肉仲好嫩，配上沙律醬好夾，仲有南瓜蓉、薯蓉同紫薯蓉，賣相都非常吸引。而扁意粉都非常推薦，勁creamy，而且海膽好多，生嘅熟嘅都有，真係大滿足😌
食完已經好飽，不過完美嘅一餐當然唔少得甜品😆是日甜品係我最愛嘅tiramisu😍當然諗都唔諗就揀佢啦，好好味呀😍而朋友揀咗美女與野獸，賣相一流，一朵玫瑰🌹，味道就好似蓮蓉或者綠豆蓉，入面仲有紅豆蓉。
估唔到會係大埔搵到一間咁特別嘅餐廳，真係好值得一試❤️
张贴
