ME'N'U Homemade Fusion (已結業)

今晚奶奶生日食飯，我地一行7大1細，由於Book 左枱，所以一去到就已經可以入坐，雖然舖仔細細但環境都尚算舒適，服務主動幫我地斟水，由於沒有套餐，所以單點，於點菜後沙律，前菜好快已經奉上。凱撒沙律，炸蝦餅，炸魷魚圈都十分可口。到主菜，我地叫左辣肉腸磨菇pizza, 尼泊爾咖哩雞配烤餅，意式海鮮燴飯，黑松露帶子燴飯，燒豬肋骨（全份），全部都好有水準，pizza 批底似手拉，較薄同煙韌; 尼泊爾咖哩，很香咖哩味但入口唔辣，連我3歲嘅外甥女都鍾意食，哈哈！由於兩款飯我無食，所以味道唔清楚，但家人都話好好味。燒豬肋骨就真係抵食，百零蚊有成8條骨，肉質非常“淋”，配上燒烤醬真係好好味，結果我地要再order 多一份最後，店主真係好細心，佢知道我地有人生日，特別送左個甜品比我地話當慶祝我奶奶生日 個甜品名就唔記得喇，不過佢係用烤餅皮夾左香蕉同朱古力醬制作而成的，味道不俗，又唔會太甜，幾好。