影片
以上资料只供参考，请与餐厅确认详情
一入门口已经话食lunch限一个钟疫症下想做多转生意好明白亦合理我地四个人一枱，待应讲明每人一定要嗌一个餐，亦都合理。我地一共食咗35分钟，觉得份量唔够想再嗌多一个餐，点知个老板同个侍应话唔俾我哋嗌，原因系如果整好出嚟一个钟内唔可以食完走人🤯然后我望向全场，仲有两张四人枱一张二人枱系无人坐既，门口亦都冇人等位，然后我几位朋友同我一样已经唔想再坐落去，一嚟座位窄坐得唔舒服，二来老板娘黑晒面，眼神同态度mean到不得了，今时今日咁嘅服务态度我仲需要再嚟帮衬你吗？其实元朗好多餐厅，有好多选择，除非你嘢食整到好好食所以你咁串，但食物又唔系话觉得好好食，只系正常味道，但系咁样嘅服务态度，我唔会再返嚟呢间食。本人真系好少会Blacklist餐厅，但呢一间门口冇人，餐厅仲要好多空枱，我地仲有25分钟，连嗌多个餐都唔俾，我觉得真系好好笑。
继续阅读
今晚我们两个人仔好肚饿，啲嘢食一嚟到，好香喷喷。相都冇影，就已经俾我哋食晒啦……好彩仲有盒好味到我要打包拎走嘅印尼无骨烤鸡带返屋企慢慢食，真心期待呀呀！舖头气氛环境极佳，有异国风情，亦都好地道，配著悠闲乐韵，唔会阻碍到我哋倾偈。店员都系唔识讲广东话(但好彩我哋识讲英文！)店员态度好友善，佢带位时，带咗我哋去一个冇大冷气风口嘅位置，而且亦体会到我哋客人嘅需要，随传随到地为我地落order及埋单。呢间食店系第二，三次食。水准一直冇差过！赞，即系喺元朗一定会返到的食店！！一致好评性价比真心高。
继续阅读
公道讲句，食物的确有质素，性价比高。可惜系要受住气食就真系冇下次。嗌嘢食既时候，因为有饮品跟，但通常饮品都会后嗌所以未拣好。个侍应就要我哋叫餐既时候就嗌埋，我地话唔好意思我地未拣好，佢就即刻叫我地快啲，唔好咁慢(系真系用英文咁讲) 仲一下子即刻收哂我地既餐牌(系喺我地手到抢走个餐牌)，非常不耐烦。(当时我地系未拣饮品嘅) 当然即刻拣到都系方便到店家，但最主要系全程侍应既态度都好差，不停话我地拣得慢，要快啲。呢一点先系最难受。如果餐厅好多人/多人等位之类都尚可理解，但当时餐厅人唔多，有空枱，亦冇人等位，态度都咁样真系好食都冇下一次☹️
继续阅读
因为某次行过 意外发现呢啲食店几隐世咁(ﾟoﾟ;; Book Mark低左因为喜欢Fusion菜 尤其招牌写住尼泊尔🇳🇵印度🇮🇳呢啲就会令我眼睛发光🤩同朋友一齐去享用朋友都赞不绝口要Book mark返确实不错的👍🏾而且抵食羊膝咖喱 with NAAN🫓好淋 羊味不算太重牛油果虾肉PIZZA🍕批底好脆 我本人最钟意个酱牛油果好香的 不过比个酱个味盖左啲海鲜都好FreshRIBS我本来一般呢个食物因为我嫌BBQ酱太浓味但呢个我还好 而且肉质好淋蟹肉意粉🍝蟹肉新鲜🦀 意粉煮得好弹牙个人喜好啦 不过我钟意😋牛肉沙律🥗个沙律汁好特别 似混左嘅麻酱同鸡酱啲牛肉好有牛味 而且唔韧
继续阅读
今次试fusion菜，Sa妹每次经过都想试，皆因佢Menu上的菜式感觉几多元化，有泊尔菜、印度菜、土耳其菜等等。2人套餐👫（$468/two)🥣 餐汤：南瓜汤🎃 几浓稠，味道不错🥗 沙律：烤鸡牛油果 🐔🥑黎到个阵惊讶到Sa妹，我以为尼兜系小菜，因为真系好大兜好足料，D鸡真系一旧旧鸡件而且好多旧，作为食货嘅Sa妹表示嘉许！🤩🥙小菜：咖喱叶炒蚬D蚬几大只，味道好奇特，我以为系辣嘅点知食到咕噜肉酱汁嘅味道，酸酸甜甜咁，同我想像中嘅咖喱叶炒蚬有D出入 LOL🍛主菜：黑松露带子烩饭 & 尼泊尔咖喱鸡其实食完前面D沙律同小菜已经饱左6成，佢兜尼泊尔咖喱鸡个Naan仲要咁大兜，真系好Crazy Lol 不过佢咖喱味不算太重而且不辣 味道带点番茄嘅酸同香料嘅香 胜在配Naan 不错。黑松露带子烩饭亦几出色，饭入面嘅菇🍄令味道更香浓。虽然佢铺面系细左D，不过感觉几Chill而且入面装潢都几有尼泊尔风情，几适合几个朋友黎撑台脚👭👫👬推介指数：⭐️⭐️⭐️⭐️💫（总分为5⭐️，💫为半粒⭐️）
继续阅读