浪漫館橫浜 (已結業)

今次係第二次黎浪漫館，因為上次試過個招牌夾堡，覺得好特別、好好味! 所以前兩日再同老友黎試下吉列定食 一行3人分別叫左3個唔同既定食(可以share嘛~) + 1 個沙律+ 1 個小食，如下: 1) 極品吉列豬扒御膳定食: 好味! 好脆但唔會乾身，配豬扒醬，超好味! 值得推介2) 浪漫吉列豬柳伴蘿白醋汁定食: order 前已經問過服務員，佢都好細心咁解釋過豬扒同豬柳既分別，豬柳果然係"諗" d，都好味，不過蘿白醋汁似乎唔係人人o岩... 豬扒醬會好d3) 什錦吉列海鮮御膳定食: 有蝦、蠔同帶子，蝦味道可以，帶子好大隻，蠔超juicy! 所以如果要叫吉列海鮮類，首推炸蠔!~~~ 因為如果係什錦只係得一隻蠔咋!4) 芝麻醬豆腐沙律: 芝麻醬好好味，可以配飯食，不過略嫌豆腐唔夠滑5) 茄子田樂燒: 味道唔錯! 環境簡潔，雖然地方小，不過坐得ok 舒服，價錢合理(以吉列料理而論)， 值得一試!