饗11 (已結業)

試業期間，晚餐只有dinner set，不過都幾抵食，仲有八折。頭盤揀咗龍蝦芒果沙律同鴨胸，沙律無落太多醬，無遮蓋龍蝦味，芒果唔酸，好甜。唔錯！兩者比較個人鍾意鴨胸多啲😆煎得好香口，份量都可以，食完唔會覺得太膩，想再食一次！至於主菜就揀咗煎魚同牛扒。魚就一般，食到最後有啲膩，唔太推介；牛扒就好好味啦，軟硬適中，口感佳，唔會好韌，五成熟就真係五成熟，唔會太熟或太生。質素👍🏻👍🏻十分推介！！最後係甜品，碟邊一片片嘅係蘋果，中間係雪糕，要兩樣一齊食先好味，分開食就唔特別好味哈哈哈。另一道係tiramisu，味道不俗！屬於中規中矩嘅好味，唔算有驚喜。