天吉屋 (已結業)

老實說, 呢間野一到食飯時間就見到排哂長龍, 如果你唔係返工時間特別過人, 你都唔使旨意靠自己會排到...晚飯時間建議大家6點就好排隊啦!因為呢間餐廳係未有拎號碼排隊既機制, 要親身排住隊等唔好見到個門口無人, 其實條隊係靠樓梯玻璃位(ER...見過有人見到入面有位就衝左入去, 其實後面有廿幾個人排緊隊)今晚好好彩見到疑似老闆默默地係門口觀察所有員工同佢都係用日文溝通,值得一讚既係員工服務真係好有笑容同得體由傍晚6點半察覺前面有十幾個人, 等到7點半終於入得係等野食既時候, 職員都好有禮貌同你講一次台面上有D漬物可以食, 同時介紹牛蒡茶然後就會有碗沙律同一樽柚子醬俾你,沙律唔好諗住係好豐富個種, 其實係普通既菜絲 ** 可以無限添加** 食天婦羅大家都會覺得好熱氣, 呢個setting剛好令大家食完中和返同埋個柚子醬真係好開胃!酸酸地剛剛好!天幕御膳 ($148)Set包括黑虎蝦、海紅鯛配紫蘇葉、軟殼蟹、什錦炸物 (洋蔥和魷魚)、茄子、南瓜、炸紫菜、四季豆!白飯仲可以無限添! (我覺得係for三吃) 1) 直接品嘗2) 天丼食法 (淋天丼醬汁)3) 天茶漬飯食法一開始職員姐姐已經預先同