築地番本日式放題 (已結業)

呢排天氣咁熱，好想食放題消下暑！！今次揀左位於旺角既築地番本日式放題。食物種類頗多，有刺身、壽司、軍艦、天婦羅、炸物、拉麵、甜品等~仲可以加HKD 50升級體驗精選美食。食放題點可以唔叫刺身！自家製八爪魚刺身同冰山貝都好爽甜，三文魚同劍魚腩鮮甜肥美，特大赤蝦刺身新鮮彈牙，食完好滿足！江戶前黑松露溫泉蛋好特別，溫泉蛋香濃又幼滑，值得一試。黑松露吞拿魚壽司同北海道帶子壽司都冇雪味，入口軟身甘甜，用料新鮮，質素不錯呢。燒烤類既鹽燒牛舌、鹽燒雞中翼值得推介，兩者均燒得外脆內嫩，正！對於人蔘雞湯非常好奇，一試下又幾唔錯，淡淡地易入口。炭燒紐西蘭羊架肉質嫩滑多汁，非常Juicy，唔嚡又唔韌，羊羶味剛好，忍不住追加多兩客。忌廉煮藍青口，香滑濃郁的忌廉與藍青口配合得很好，讓人一試難忘。炸甜蕃薯條屬驚喜之作，表層香脆內裡軟綿，高纖維營養豐富，忍唔住愈食愈多！最後點了人氣熱選的北海道360奶凍及雪糕糯米糍，特別推介奶香味濃的北海道360奶凍，為整頓晚餐畫上完美句號。