金鶴拉麵 (九龍城道) (已結業)

早前同媽咪去土瓜灣探親戚，果晚佢地介紹左土瓜灣新開一間叫金鶴拉麵，因為媽咪同我都十分熱愛食拉麵，係拉麵既支持者，所以我地聽完就即刻當晚去試下佢。我地去到見到門面已經感覺到好有日本既特色，入面既佈置更加有日本feel，全店既格局都係好高級，令我地坐得好舒服。服務員為我地推介左佢店舖既招牌拉麵～極濃白雞湯拉麵～媽咪最鐘意濃味既湯底，呢一款拉麵極之適合喜愛濃味既朋友，仲配有兩件一大一小既雞肉，肉味好鮮嫩。另一款就係極濃蝦湯拉麵，佈滿左好多櫻花蝦既湯底真係好好飲，充滿蝦既濃郁既味道，配有一隻鮮蝦，味道鮮甜，咬感爽滑，仲有大大塊既叉燒好好味，肉感鬆軟又有口感。我地仲叫左兩款小食，一款係～日式餃子～餃子鮮肉多汁。另一款係～唐揚炸雞～炸雞脆脆既口感，食落十分香口！下次一定會再來試更多唔同既拉麵同小食。