今日嚟到將軍澳，朋友介紹呢度有一間唔可以錯過嘅台灣餐廳「桂花小幸」。 一入到去俾佢呢度嘅環境吸引住，除咗環境闊落，呢度嘅擺設仲好有台灣文青感覺。
麻辣牛三寶台灣麵 ($92)
呢個牛三寶真係非常豐富，包括有牛筋、牛腩同埋牛肚，份量非常豐富，牛筋爽口彈牙，牛腩軟腍，牛肚非常入味。食落去每一啖台灣麵沾滿濃郁嘅湯底，非常推薦！
鹽酥雞扒滷肉飯（$84）
呢個係一個套餐，包咗原盅燉湯，呢個湯非常清甜又有濃厚嘅雞湯味，另外仲有一份時菜，清甜又爽口。重點係個雞扒，份量多之餘，外皮炸得非常香脆，令人非常掛住台灣嘅味道。
鹽燒花枝丸 （$28）
花枝丸爽口彈牙，鹽燒嘅外皮烤得香口，都係值得一試架！
黑糖珍珠鮮奶（$23）
珍珠煙韌，黑糖味濃郁，除咗堂食之外，呢度啲飲品都可以係外帶！
星河鮮韻 （$19）
珍珠奶茶味道濃郁，茶味豐富，值得一試！
