番本日式放題 (已結業)

黎講旺角區食放題，雖則選擇好多，但係具質素嘅，可能只得寥寥數間，呢間番本當然係個list當中。我同朋友都係非常中意食放題嘅人，為左追求更高級嘅享受，我地當然有追加到呢個升級放題啦！食放題，第一樣當然係食刺身啦！上面較大隻嘅，就係充滿蝦膏嘅紅蝦刺身，啖啖肉，夠晒正而就算唔係升級刺身，三文魚，帶子亦同樣出色。新鮮之餘，刺身亦夠凍，證明係即叫即切！食日本野，當然唔少得食壽司啦！三色花之戀係我嘅推介，因為唔係用沙津醬，口感無咁heavy！鰻魚壽司亦係我嘅至愛，惹味嘅燒汁，淋上滑嫩嘅鰻魚到，真係一流嘅享受！牛油野菌抄帆立貝。牛油味香，帆立貝亦大大粒，好有彈性，好有口感，而且仲抄得幾有鑊氣，頗有廣東菜嘅感覺，唔錯唔錯！我最愛嘅炸物。即叫即炸，一咬落件天婦羅蝦嘅時候，仲係熱辣辣，真係夠滋味。最正嘅地方就係佢嘅粉用得非常薄，食到脆身嘅感覺之餘，亦唔會食到滿口粉，功架十足！！如果仲係唔夠飽嘅話，咁就要試下個炭燒羊架喇！啖啖肉，肉汁亦豐富，醬料夠香，燒到6成熟左右，唔會破壞羊肉嘅texture, 頗有水準！！黎到差唔多尾聲，我地就叫左炸芝士年糕同埋香芋丸作結。有啲人可能好怕呢兩樣會好飽滯，但係事實並非如此