辣吧 (已結業)

原來諾士佛臺都唔係淨係飲嘢架！今日試咗間幾創新嘅餐廳食新派川菜，餐廳係紅黑色裝橫，比較古色古香嘅感覺，每張枱嘅空間都好闊落，坐得舒服又方便傾計。落單15分鐘左右，先嚟咗幾個燒物，推介必食蜜汁一口腸，外層香脆，肉味香濃又juicy, 最終忍唔住再encore多一串😂之後分別上兩隻鮑魚同聖子，配合埋啲孜然粉，同埋啲特製調味料，香口得黎又唔會蓋過海鮮本身嘅鮮味👍🏼主菜我哋揀左銅爐香鍋，Menu有好多主菜嘅選擇，有唔同嘅肉類同埋海鮮揀，重可以因應自己嘅口味選擇烹調方法。我哋就嗌咗個辣媽爆炒牛魔王，入面有肥牛、牛腩同牛雜。真係啱晒我朋友，因為佢係名副其實嘅牛魔王😅最好味係個牛腩，肉味香濃入味，咬落去一絲一絲咁，唔會黏牙😋。 另一層嗌咗蒜香花甲王，冇諗過佢啲花甲好大隻，又鮮甜多肉冇沙，配埋個蒜香簡直一流，食完一隻又一隻😝。鍋底重有好多雜菜同菇類，就算唔額外嗌菜食，個份量都好足夠。飲品試左杯紅莓汁，酸酸甜甜，去腻感一流👍🏼