羅勒印度餐廳 (七姊妹道)

营业中

休息中

係openrice搵下邊度有D好好味又抵食嘅印度餐廳，搵到呢間羅勒印度餐廳，睇左其他食評都好吸引，所以帶埋屋企人同埋男朋友一齊去食。咁我地就一早訂左位，因為驚要等位，不過去到都唔係好多人食緊，可能早啦。咁我地就先叫左個四人餐。芒果乳酪好好飲，但比較細杯。四件咖哩角好似唔吸引，但食落好好味，好特別咖哩角配埋兩醬汁串燒雞好香，送黎時仲係熱辣辣傢，送飯超正。咖哩羊、咖哩雞都好食，唔辣，而且腍，同D印式薄餅一齊食一流印度炒飯D飯都幾特別，唔同平時食開嘅白飯，一粒粒好散。炒飯就無咩味但同其他餸一齊食幾好。羊肉通心燒卷好惹味，值得叫最後叫多左個薄餅，好好味總括黎講值得再黎食