大瀛喜日本料理 (已結業)

平時好少食放题，怕食飽後個肚又會大了一個碼。今日老婆忽然想食放題，見好耐無食便遷就下她，腦海中只想旺角大瀛喜日本料理放題又低食又多野食又好食，不作它選，就打電話去book位。因只有最早一場5:30pm,限食2個鐘。無辦法，惟有早d食，所以今天不吃下午茶。咪看無乜人，其實d人未到，6：00pm後已全場滿座，食過幾次都咁誇張咁多人光顧，就知食物水準保持到。自助飲品區和雪糕櫃任攞任飲任食，勁多選擇，啱哂我。啤酒、烏龍茶啱哂。雪糕、雪條勁多，食到你唔食為止。先食生冷野先，魚生款式勁多又新鮮，個人覺得最好食係泰式生蝦、赤海蝦和三文魚。d蝦又爽又彈牙又鮮甜，三文魚勁肥美，又厚身，啖啖肉，口感豐富。刺身如每款order多舊，會用乾冰襯托，影相一绝。上次都無此花之戀，主打食物，必食。勁鲜美！海胆手卷有d迷你，但勝在紫菜夠脆、海胆勁鲜，唔夠喉可再order。炸物都好多，款款都試一件都不得了。以榴槤炸彈最正，出面係用糯米粉炸得金黄色，入面係超香勁熱既榴槤溶，食時小心燙口，榴槤溶勁好食，口感好過癮。最後甜品心太較，超迷你版，好香濃朱古力味，熱騰騰好好味。其它每款試一件，以蕉糖蛋最好食。總括而言嚟講二百幾價錢