一目日本料理 (已結業)

今日同家人預早一天慶祝中秋節🥮！㨂咗呢間日本料理餐廳！呢邊都有好多不同美食小店，選擇豐富，要站穩腳當然質素好重要！打開Menu 其中魚生壽司類非常吸睛！款式超多選擇！最後好豪氣咁選擇咗幾款魚生試試！先點一份六點盛刺生共六款包括牡丹蝦、海膽、帆立貝、油甘魚、池魚同吞拿魚，每款都有兩件份量足而且每樣都好新鮮，其中加拿大海膽最好食夠鮮味另外壽司點選咗北寄貝、池魚同火炙三文魚，三款都係超新鮮，飯夠軟硬適中粒粒分明！另外燒物都有唔少選擇，今次叫咗份牛舌同燒茄子🍆！燒牛舌有驚喜，味道剛剛好唔太咸，最怕有啲牛舌部位咬唔開，但呢度嘅無呢個問題，燒茄子🍆原條上！味道都係剛剛好！非常欣賞呢間日本料理所有用料都好新鮮，睇得出師傅做每樣都好細心！價錢唔貴，值得一試再試