影片
更多
2014-10-26
4732 浏览
話說個日同男朋友一齊放假去左旺角行街因為心血來潮想食放題, 所以就揀左呢個未試過既去試下 最早既時段係0530PM, 我地早左上去, 所以等左5分鐘就入得去 首先講下環境, 呢度地方都幾舒服, 感覺好乾淨衛生再黎就係服務態度, 相信好多人同我一樣, 次次食親放題最令人激氣既情況就係D員工個個做到燥哂 因為心急想要快, 所以自然服務態度就會變得一般, 但係呢間番本, 呢一點真係抵讚 即使1個鐘頭裡面同一個員工不停地為我地張台上菜同收碟, 都可以KEEP住每次行埋黎都好好笑容 , 好好禮貌, 唔該前唔該後相信今時今日有咁樣服務態度既放題真係買少見少 好啦, 到食物啦, 放題黎計, 呢度食物款式都算好豐富下刺身都幾新鮮, 連任飲既清酒都有兩款同埋冷熱可以揀, 要推介既係黃金焗蠔 , 好香好正好好味呀, 呢個叫左幾次都停唔到, 另外, 大多數放題都只有麵豉湯, 但呢度就多左個人參雞湯, 個湯都幾香, 感覺同韓式料理既人參雞湯不相伯仲, 出色 仲有個蒜香牛油炒帶子, 炒得好香好入味, 值得一試最後, 我仲點左個雪花肥牛湯烏冬, 同出面其他放題唔同既係, 平時叫親D湯烏冬類既料理, 都會好大鍋,
因為心血來潮想食放題, 所以就揀左呢個未試過既去試下
最早既時段係0530PM, 我地早左上去, 所以等左5分鐘就入得去
首先講下環境, 呢度地方都幾舒服, 感覺好乾淨衛生
再黎就係服務態度, 相信好多人同我一樣,
次次食親放題最令人激氣既情況就係D員工個個做到燥哂
因為心急想要快, 所以自然服務態度就會變得一般,
但係呢間番本, 呢一點真係抵讚
即使1個鐘頭裡面同一個員工不停地為我地張台上菜同收碟,
都可以KEEP住每次行埋黎都好好笑容 , 好好禮貌, 唔該前唔該後
相信今時今日有咁樣服務態度既放題真係買少見少
好啦, 到食物啦,
放題黎計, 呢度食物款式都算好豐富下
刺身都幾新鮮, 連任飲既清酒都有兩款同埋冷熱可以揀,
要推介既係黃金焗蠔 , 好香好正好好味呀, 呢個叫左幾次都停唔到,
另外, 大多數放題都只有麵豉湯, 但呢度就多左個人參雞湯,
個湯都幾香, 感覺同韓式料理既人參雞湯不相伯仲, 出色
仲有個蒜香牛油炒帶子, 炒得好香好入味, 值得一試
最後, 我仲點左個雪花肥牛湯烏冬, 同出面其他放題唔同既係,
平時叫親D湯烏冬類既料理, 都會好大鍋, 一個人根本食唔哂,
因為我男朋友係唔食牛肉的, 所以同佢去食放題, 都唔係好敢叫牛肉類, 怕浪費
但呢度既雪花肥牛湯烏冬, 就係一人份量, 對我黎講剛剛好,
可以食到自己想食既野, 又唔洗驚會浪費, 而且D肥牛仲好靚添!!
總括黎講,
我覺得番本真係可以番到本
下次要再去食放題的話, 我諗我都會返黎呢間
仲會推介比朋友
张贴