申子居酒屋

营业中

休息中

人就係會重複………………覓食！又嚟我嘅心水餐廳啦！約返上次嚟嘅飯腳一齊食。聚舊，人要聚舊，地方也要聚舊。開心見到獅子山仍在，在獅子山下食飯，感覺特別有歸屬感。餐廳而家做緊感謝祭，廚師精心烹調嘅午餐盛宴全部六折，差不多半價就食到一份精緻午餐。牛肉壽喜燒($143) 牛肉無多餘嘅脂肪，肥瘦適中，肉質唔嚡唔韌，軟腍適中，口感好。雞蛋好靚，蛋黃顏色豔黃，本來應該放在鍋裡與牛肉蔬菜同食，但最後決定放到飯碗裡撈飯食，簡直係明智之選。蒲燒鰻魚厚切玉子丼($143)首先一定要讚飯底唔係白飯，而係鰻魚炒飯！本來已經有一大截鰻魚，加埋炒飯裡邊嘅鰻魚粒，饅魚控一定會感到大滿足！其次唔只玉子係厚切，鰻魚都一樣好厚肉，肉質亦非常有彈性。最後連配菜小碟嘅醃菜同牛舌粒亦被清碟，非常豐富、滿足嘅午餐。用心嘅擺盤，加上精心挑選嘅盛器，呢d細節位已反映出餐廳對美食有所要求。所以食材質素、以致烹調都一絲不苟，我唔會話呢度係全港最好食嘅日式料理，但喺我自己嘅搵食list上邊，申子絕對係頭5位嘅餐廳選擇。