影片
更多
2022-11-05
65 浏览
為咗慶祝anniversary，老公搵咗呢間鐵板燒慶祝，話說對上一次係去日本旅行食，真係令人特別懷念，而老公嘅選擇亦無令我失望！要慶祝就當然要食得好！行入門口見到有食客食緊大大隻鮑魚，我都想試啊！隻鮮鮑魚嚟到真係活力十足，係咁郁嚟郁去好似想逃走咁！ 師傅熟練咁將鮑魚起殼𠝹花，幾下手勢就已經可以上碟，鮑魚片厚薄適中，熟度啱啱好，而且非常鮮甜！第二樣就係大大隻帶子，白𠽌𠽌嘅帶子肉，配上湯汁，除咗顏色配搭突出外，亦能帶出帶子鮮味同增添一種香滑口感！帶子燒得金黃又香口，yummy!跟著煮鐵板大蝦，師傅三扒兩撥已經去掉蝦殼蝦腸等，精準拿捏熟度再用工具一壓，完美嘅鐵板大蝦，大隻得來又鮮味！令人期待嘅A4和牛扒當然又係Ichiban!剩係見到d雪花已經流口水🤤！師傅將每份牛肉都切得好平均，入口輕咬就feel到溶化嘅油脂，牛肉味濃入口又柔軟，去日本食鐵板和牛嘅記憶即刻閃現！以為食晒？差啲唔記得仲有個蝦頭未食，黏口嘅蝦膏散發濃香嘅味道，感覺好似食Omakase咁，味道最濃最突出嘅放喺最後，好好味啊！之後仲有炒芽菜、炒飯、湯同雪糕，Ken 師傅仲幫我地畫咗我最鐘意嘅麥兜影相留念，單從佢認真配色同埋即席畫花
要慶祝就當然要食得好！行入門口見到有食客食緊大大隻鮑魚，我都想試啊！隻鮮鮑魚嚟到真係活力十足，係咁郁嚟郁去好似想逃走咁！ 師傅熟練咁將鮑魚起殼𠝹花，幾下手勢就已經可以上碟，鮑魚片厚薄適中，熟度啱啱好，而且非常鮮甜！
第二樣就係大大隻帶子，白𠽌𠽌嘅帶子肉，配上湯汁，除咗顏色配搭突出外，亦能帶出帶子鮮味同增添一種香滑口感！帶子燒得金黃又香口，yummy!
跟著煮鐵板大蝦，師傅三扒兩撥已經去掉蝦殼蝦腸等，精準拿捏熟度再用工具一壓，完美嘅鐵板大蝦，大隻得來又鮮味！
令人期待嘅A4和牛扒當然又係Ichiban!剩係見到d雪花已經流口水🤤！師傅將每份牛肉都切得好平均，入口輕咬就feel到溶化嘅油脂，牛肉味濃入口又柔軟，去日本食鐵板和牛嘅記憶即刻閃現！
以為食晒？差啲唔記得仲有個蝦頭未食，黏口嘅蝦膏散發濃香嘅味道，感覺好似食Omakase咁，味道最濃最突出嘅放喺最後，好好味啊！
之後仲有炒芽菜、炒飯、湯同雪糕，Ken 師傅仲幫我地畫咗我最鐘意嘅麥兜影相留念，單從佢認真配色同埋即席畫花，就明點解呢間舖屹立廿多年都仲咁旺場！
更重要係師傅好識同客人溝通，一邊欣賞佢嘅廚藝一邊同佢傾計，氣氛越食越好越食越開心，而家午市仲有66折優惠，真心抵食！
张贴
