至尊滿屋日本料理 (已結業)

今日試下行開旺角，經過瓊華中心見到水牌有至尊滿屋放題，好似幾抵下，就同朋友上左去試。去到見到餐廳仲未坐滿人，所以唔駛等位。坐底先叫了青瓜沙律和鳳爪。沙律開胃，鳳爪亦都酸酸甜甜，味道唔錯。好快就上左盆刺身，魚生等等都好厚切，亦都非常新鮮，最令人驚喜就係蝦刺身超級巨型，食落十分鮮甜。熟食都有好多選擇，好似燒蝦、牛柳粒、羊架等等，牛柳粒燒得不錯，咬落亦很JUICY。特別推介試下個蟹粥，蟹嘅鮮味入晒去粥度，一個人可以不知不覺食晒成煲。另外還叫了蟹肉飯，蟹肉份量不少，加上有蟹膏撈飯，好正！ 甜品方面年糕亦都非常好味，有我最鍾意嘅日式年糕，最後仲有MOVENPICK同Haagen dazs雪糕，2款季節限定味道俾你選擇。外面仲有飲品甜品攞，夠晒方便！上菜速度夠快，又成日換碟，味道及水準亦值回票價，下次會再來！