影片
更多
2009-11-19
16 浏览
星期六收左工唔知食咩好, 想食平平地熱熱地清清地既野, 諗諗下好耐無食餃子, 最後去左附近既餃子皇 之前已經幫趁過幾次, 最愛佢既咖哩雞肉餃, 上年買左幾次返屋企打邊爐, 今年仲未打過邊爐喎, 我一諗起咖哩雞肉餃就興奮~馬上興沖沖走入鋪, 本來無晒空台架喇, 個包餃子亞姐準備收檔走比張台我地時, 有位好心的小姐主動移入已經坐左三個人既四人台讓張二人台比我地, 謝謝~ 一坐低我已經決定好要上海麵咖哩雞餃, 諗諗下又心大心細想試下香辣餃, 最後決定雙併, w要韮菜+白菜餃上海麵, 又加左個八隻什煎餃, 本來我想要三隻咖哩餃兩隻香辣餃, 落單的亞姐再三聲明香辣餃好辣好辣架, 我話咁試下喇, 亞姐話咁試一隻先啦, 而家回想起個亞姐真係救左我!! 10分鐘左右D麵上台, 湯底都係一樣咁好飲, 我飲唔出係唔係豬骨+鰂魚煲出黎, 只係知有陣胡椒味好香好好飲, 配埋椰菜又係好好食, 其他餃子唔講了, 最想講下個香辣餃, 上台時亞姐已經指名呢隻係香辣餃, 其實唔洗佢講我都知, 因為隔住層皮都見到佢入面係紅色, 既然亞姐咁示警我都會認真看待佢, 先食晒其他野食剩隻香辣餃攤凍D先, 真係食時我先咬左佢一角咬
之前已經幫趁過幾次, 最愛佢既咖哩雞肉餃, 上年買左幾次返屋企打邊爐, 今年仲未打過邊爐喎, 我一諗起咖哩雞肉餃就興奮~馬上興沖沖走入鋪, 本來無晒空台架喇, 個包餃子亞姐準備收檔走比張台我地時, 有位好心的小姐主動移入已經坐左三個人既四人台讓張二人台比我地, 謝謝~
一坐低我已經決定好要上海麵咖哩雞餃, 諗諗下又心大心細想試下香辣餃, 最後決定雙併, w要韮菜+白菜餃上海麵, 又加左個八隻什煎餃, 本來我想要三隻咖哩餃兩隻香辣餃, 落單的亞姐再三聲明香辣餃好辣好辣架, 我話咁試下喇, 亞姐話咁試一隻先啦, 而家回想起個亞姐真係救左我!!
10分鐘左右D麵上台, 湯底都係一樣咁好飲, 我飲唔出係唔係豬骨+鰂魚煲出黎, 只係知有陣胡椒味好香好好飲, 配埋椰菜又係好好食, 其他餃子唔講了, 最想講下個香辣餃, 上台時亞姐已經指名呢隻係香辣餃, 其實唔洗佢講我都知, 因為隔住層皮都見到佢入面係紅色, 既然亞姐咁示警我都會認真看待佢, 先食晒其他野食剩隻香辣餃攤凍D先, 真係食時我先咬左佢一角咬幾下, 有D辣, 再咬多啖食到有指天椒核, 好快我成個口麻痺左, 條舌頭好似比火燒咁好辣辣辣辣辣辣辣, 唔知係唔係我個樣太辣定我講野太大聲, 隔離台D人都望住我, 跟住老闆娘出現喇, 問我係唔係食左一隻(其實我只係食左半隻, 不過辣到出唔到聲), 跟住老闆娘講左一個少女食左八隻香辣餃既故仔....故事中既少女從小食辣椒食大, 都要半個鐘先食得晒八隻香辣餃, 何況我? 食剩半隻香辣餃之後真係唔食唔落去, 飲晒W同我杯凍豆漿後舌頭還是痛左半個鐘....而家諗返起香辣餃呢個名真係會令人誤會係唔多辣架, 我提議老闆改名, 改佢做勁辣餃呀, 大辣餃, 超級麻辣餃呀咁勁既名黎警剔食客!
张贴
