明記咖啡糖水小食 (已結業)

由於自己係住係西灣河,所以明記真係食過n咁多次架喇..由佢係"行"仔賣起已經食..個時佢係夜晚九點之後先有買既...入左舖當然都有幫襯啦..其實你話佢d甜品係咪真係咁好食..咁我又唔覺得好好味...點講呢..係應有既水準囉..足料大碗係佢既selling point嘛..價錢都唔算好貴既..不過我次次都係食涷既黑糯米喳咋..我試過熱既,但最終都係愛上涷..因為夠"傑"...口感好豐富..有好多豆..同埋佢加左d唔知係蕃薯粒粒定係南瓜粒粒,好甜..好好味..佢後期加左d咸點, 又有拉面又有飯..但我有試過..都係食糖水好啲既..嘻嘻