Le Viet (已結業)

今日收左工之後出左旺角搵啲朋友行下，行到咁上下就去左搵啲野食。係朗豪坊附近有幢銀行中心，果度一樓有呢間Le Viet。個環境都幾舒服，加埋啲燈光同裝修，都幾唔錯。餐廳安排左窗口卡位俾我地👍🏻可以睇住附近嘅馬路，都幾有feel。講返野食，我地叫左椰青，鮮蝦米紙卷，炸蝦餅，牛油雞翼，超載椰青焗飯，串燒同咖哩炒大虎蝦。特別推薦個牛油雞翼，焗飯同炸蝦餅。個雞翼夠晒大隻，炸得好脆，又有牛油味。個焗飯就一如其名，大大份，好夠味好夠料，兩個人嚟都未必食得晒。最後啲串燒新鮮熱辣上枱，配埋啲沙嗲汁真係一絕。有機會可以嚟試下架！