影片
更多
2024-06-02
408 浏览
是日同咗朋友嚟熊貓酒店的牛之鍋打邊爐，我哋叫咗個B餐$278一位，平日晚仲可以無限時添，呢個價錢真係好抵。B餐包括刺身、串燒、甜品任食，當然仲有打邊爐嘅火鍋料都係飲食啦，肉類有牛肉、羊肉、豬肉同雞肉，另外仲有唔少款式嘅海鮮，呢排嘅期間限定有乳山生蠔同原隻鮑魚😋先揀湯底，可以揀一個大鍋一齊食或者一人一細鍋，我哋揀咗後者，湯底就要咗蟲草花松茸湯同重慶麻辣湯，前者清清地有菌香，後者濃味兼重口味，夠麻夠辣😆肉類海鮮全部都好快就嚟齊，點幾多嚟幾多冇漏單，牛肉方面我個人覺得牛肩胛同美國極上牛都好食，有肉香又入口嫩滑，另外返兜得最多嘅仲有羊肉，羊肉有羊騷味幾好食🤤海鮮好新鮮，入口都好鮮味噃，款式都唔算少，作為一間放題店收貨有餘😋除咗打邊爐，刺身都係一大賣點，刺身好新鮮肥美，有港人至愛嘅三文魚啦，仲有帶子、北極貝、赤貝等，款式真係唔畀日式放題少㗎🤤另外串燒又係正，超多口味，有雞肉、牛肉、羊肉、雞皮、鵪鶉蛋、多春魚等等，仲有鮑魚同白鱔都係任點任食，返兜咗好多次，真係好好味，記住食埋個燒菠蘿添🤤小食有最近大熱嘅麻辣涼拌魚皮、涼拌海蜇、白雲鳳爪等，款式系比較中式嘅小食，哈哈😋飲品有大量罐裝同紙包等選擇，可樂
B餐包括刺身、串燒、甜品任食，當然仲有打邊爐嘅火鍋料都係飲食啦，肉類有牛肉、羊肉、豬肉同雞肉，另外仲有唔少款式嘅海鮮，呢排嘅期間限定有乳山生蠔同原隻鮑魚😋
先揀湯底，可以揀一個大鍋一齊食或者一人一細鍋，我哋揀咗後者，湯底就要咗蟲草花松茸湯同重慶麻辣湯，前者清清地有菌香，後者濃味兼重口味，夠麻夠辣😆
肉類海鮮全部都好快就嚟齊，點幾多嚟幾多冇漏單，牛肉方面我個人覺得牛肩胛同美國極上牛都好食，有肉香又入口嫩滑，另外返兜得最多嘅仲有羊肉，羊肉有羊騷味幾好食🤤海鮮好新鮮，入口都好鮮味噃，款式都唔算少，作為一間放題店收貨有餘😋
除咗打邊爐，刺身都係一大賣點，刺身好新鮮肥美，有港人至愛嘅三文魚啦，仲有帶子、北極貝、赤貝等，款式真係唔畀日式放題少㗎🤤
另外串燒又係正，超多口味，有雞肉、牛肉、羊肉、雞皮、鵪鶉蛋、多春魚等等，仲有鮑魚同白鱔都係任點任食，返兜咗好多次，真係好好味，記住食埋個燒菠蘿添🤤
小食有最近大熱嘅麻辣涼拌魚皮、涼拌海蜇、白雲鳳爪等，款式系比較中式嘅小食，哈哈😋
飲品有大量罐裝同紙包等選擇，可樂、忌廉溝鮮奶、蜜瓜豆奶，甚至乎王老吉都有，另外仲有冷泡茶同手打檸檬鴨屎綠等，真係總有一款啱你飲😆
最後梗係唔少得甜品，雖然上面已經食到好飽，但點都要食埋佢咁多款特色甜品嘅，綠茶芭菲、榴槤芭菲、焦糖燉蛋、涼粉冰等樣樣都想食，點咗好多款，我哋真係冇浪費全部食曬㗎，好飽好滿足啊🤤我哋大概食咗三個鐘左右啦，全部想食嘅嘢都試晒，正呀🥰
张贴
