影片
更多
2007-03-17
27 浏览
事源:幾個朋友於九時正到容記食飯,入座時已經問清楚係咪已經優惠時段有七折,落單果個伙記話係,咁就叫野食啦.埋單$365，我地喺找錢時才發覺冇計到七折,就叫負責人黎問問.負責人話我地唔係九時後入座,冇得折,仲話我打後幾張單都係冇折,唔只我地一張單.於是搵返落單果個阿姐黎問問,個阿姐話係九點後落單,但唔知我地幾點入座喎,要以入座時間計算.咁我地當然覺得冇理由啦,明明叫野前已經問左先,而家話唔知我地幾點入座,冇得折!!負責人就咁就行開左,冇理我地,得返個阿姐晌到同我地講,叫我地唔好令佢難做.覺得我地係存心搵著數.大家理論左一陣,阿姐就發脾氣拎住七十幾蚊俾返我地(計實七折應該俾返百一蚊"),但見佢地都打左折,就打算離開.點知呢個時候,阿姐就大大聲咁咒我地嘩!!!洗唔洗咁毒呀,阿姐仲話會認住我地,佢完全冇理會過周圍既客人,大大聲同我地嘈起來.我地一路行出門口,一路仲同佢嘈,坐樓面冇著制服果幾個人跟本都冇理會過發生咩事咁,尤得我地晌到嘈.其實佢地係咪覺得呢D係小事,成日都發生,所以見怪不怪?如果我地打後果幾張單都冇折,係咪客人唔問,佢地大大隻字寫住九點後入座七折優惠就等於冇?一句唔知你幾點入座就可
幾個朋友於九時正到容記食飯,入座時已經問清楚係咪已經優惠時段有七折,落單果個伙記話係,咁就叫野食啦.埋單$365，我地喺找錢時才發覺冇計到七折,就叫負責人黎問問.負責人話我地唔係九時後入座,冇得折,仲話我打後幾張單都係冇折,唔只我地一張單.於是搵返落單果個阿姐黎問問,個阿姐話係九點後落單,但唔知我地幾點入座喎,要以入座時間計算.咁我地當然覺得冇理由啦,明明叫野前已經問左先,而家話唔知我地幾點入座,冇得折!!負責人就咁就行開左,冇理我地,得返個阿姐晌到同我地講,叫我地唔好令佢難做.覺得我地係存心搵著數.
大家理論左一陣,阿姐就發脾氣拎住七十幾蚊俾返我地(計實七折應該俾返百一蚊"),但見佢地都打左折,就打算離開.點知呢個時候,阿姐就大大聲咁咒我地嘩!!!洗唔洗咁毒呀,阿姐仲話會認住我地,佢完全冇理會過周圍既客人,大大聲同我地嘈起來.我地一路行出門口,一路仲同佢嘈,坐樓面冇著制服果幾個人跟本都冇理會過發生咩事咁,尤得我地晌到嘈.
其實佢地係咪覺得呢D係小事,成日都發生,所以見怪不怪?
如果我地打後果幾張單都冇折,係咪客人唔問,佢地大大隻字寫住九點後入座七折優惠就等於冇?一句唔知你幾點入座就可以唔算數?
做伙記係咪可以用咁毒既說話招待客人?
张贴