Bellevue Bar and Grill (已結業)

今日到旺角行街，行行吓又落雨，再望一下手錶，已經午飯時間，不如搵間餐廳食野，等雨停左，先再行過。彌敦道真係好多食市，抬頭一望，已經發現好多餐廳啦！隨意選左呢間西餐廳。餐廳位置較高，乘電梯去23樓。電梯門一開，已經係餐廳入口，全層都係呢間餐廳。侍應非常有禮貌，幫我選了坐窗口旁座位。一望無際九龍市全貌，美不勝收。我就點左以下食品：炭燒安格斯西冷牛扒伴燒汁：大大塊牛扒賣相吸引，炭燒面層，有些微香脆口感，入面牛肉鬆軟，再以薯蓉，芥辣醬汁伴碟。蕃茄蓉餐湯配以餐包：濃味蕃茄湯，餐包鬆軟，搽上牛油，點上餐湯，美味另外，仲配埋甜品，一件小藍莓忌廉蛋糕，蛋糕上放些彩珠及小圓餅，非常精緻，顏色奪目。蛋糕中間放了粒粒藍莓，吃落美味😍😍😍😍今次比較匆忙，食飽，飲埋杯咖啡就走。下次有機會約朋友嚟敍餐，欣賞傍晚夜景。