影片
更多
2009-08-24
13 浏览
如題，特登落天后去試所謂台灣水準既牛肉麵。入到去，樓面姐姐當人無到，求其俾個位你，檯又求其抹下算數，MENU 都要叫到先識攞。心諗個場人多，又係一個人食，好食既，就費事 COMPLAIN 啦，結果問問下，先知 LUNCH 賣晒，全部散叫，但野飲 MENU 又無拎俾我，叫到先記得攞，連睇都未睇得切，就問人叫咩‥‥‥鬼知咩。叫左牛肉麵同蜂蜜奶茶，心諗都 OK 穩陣吖‥‥‥於是一路打機一路等，一路計住出餐時間，等個半個鐘，真係忍無可忍，人地同樣係叫牛肉麵，遲過我入黎，又遲過我落單，竟然上先過我，真係火都黎埋，叫左樓面 N 咁多次，先終於有個態度好少少既姐姐理我‥‥‥終於等到有得食‥‥‥講真，碗麵又唔係真係好特別，個湯底係好味既，但料真係太少，提味既酸菜幾得意，隻鹵蛋無左囉。同樣係牛肉麵，易牙碗牛肉麵貴佢3蚊，但落足料(又牛又蘿蔔又蔥)交足貨喎!!! 同樣係牛肉麵，灣仔間大婆都係貴佢3蚊，但都係湯底濃郁兼齊料，仲有份量大細揀喎!!! 麵，食落真係無咩感覺，林林地咁。至於飲品，唉，上既時候隻杯同飲筒都係濕架。味道都 OK 唔錯，珍珠都有咬勁。食完，樓面姐姐都好有禮貌咁 SAY SORRY，算係
入到去，樓面姐姐當人無到，求其俾個位你，檯又求其抹下算數，MENU 都要叫到先識攞。
心諗個場人多，又係一個人食，好食既，就費事 COMPLAIN 啦，結果問問下，先知 LUNCH 賣晒，全部散叫，但野飲 MENU 又無拎俾我，叫到先記得攞，連睇都未睇得切，就問人叫咩‥‥‥鬼知咩。
叫左牛肉麵同蜂蜜奶茶，心諗都 OK 穩陣吖‥‥‥
於是一路打機一路等，一路計住出餐時間，等個半個鐘，真係忍無可忍，人地同樣係叫牛肉麵，遲過我入黎，又遲過我落單，竟然上先過我，真係火都黎埋，叫左樓面 N 咁多次，先終於有個態度好少少既姐姐理我‥‥‥
終於等到有得食‥‥‥
講真，碗麵又唔係真係好特別，個湯底係好味既，但料真係太少，提味既酸菜幾得意，隻鹵蛋無左囉。同樣係牛肉麵，易牙碗牛肉麵貴佢3蚊，但落足料(又牛又蘿蔔又蔥)交足貨喎!!! 同樣係牛肉麵，灣仔間大婆都係貴佢3蚊，但都係湯底濃郁兼齊料，仲有份量大細揀喎!!!
麵，食落真係無咩感覺，林林地咁。
至於飲品，唉，上既時候隻杯同飲筒都係濕架。味道都 OK 唔錯，珍珠都有咬勁。
食完，樓面姐姐都好有禮貌咁 SAY SORRY，算係挽回少少印象啦。
可惜，真正既重點係‥‥‥呢餐食左唔夠兩個鐘，我已經因為絞肚而肚瀉。
我估個問題應該出左係杯野飲度。
可能佢本身個質素真係得既‥‥‥不過 FOR 佢食到我出事，好難有下次啦。
總之，真係信錯左飲食男女。
张贴