影片
更多
2023-10-10
27 浏览
餐廳：Holy Fook Italian Fusion Bar & Restaurant (尖沙咀)地址：尖沙咀厚福街8號H8地舖尖沙咀厚福街嘅厚福公館喺大半年前改頭換面，搖身一變成為一間意大利菜餐廳——Holy Fook Italian Fusion Bar & Restaurant @holy_fook_italian_fusion 🇮🇹，當中嚟自澳洲嘅水晶蟹成為咗佢哋嘅招牌菜，餐廳唔少菜式都會見到佢嘅蹤影🦀餐廳劃分咗幾個區域，分別有泰式、日式同西式主題，比你喺同一間餐廳裡面體驗到唔同風格。餐廳大廚擁有豐富酒店餐飲經驗，每碟菜式嘅擺盤都花咗唔少心思💕。今次晚市嚟到，見到有多款1人/2人/4人套餐，唔同選擇迎合到唔同人嘅需要：美國頂級巨人戰斧牛肉眼扒🥩、澳洲M5和牛、招牌水晶蟹雪之宴，唔知有無一款啱你呢？✝️法式干邑帶子龍蝦濃湯 $88每啖飲落都喺龍蝦嘅精華🦞，當中加入帶子同干邑白蘭地有提鮮作用，最後加埋香料同忌廉做裝飾望落就更吸引🤩✝️水晶蟹肉雙籽田園沙律配秘製香辣汁 $118肉質鮮甜又嫩身嘅水晶蟹肉，配上蟹籽同三文魚籽整成高級版田園沙律🥗，以羽衣甘藍同生菜為主🥬，當然唔少得秘製嘅香辣
地址：尖沙咀厚福街8號H8地舖
尖沙咀厚福街嘅厚福公館喺大半年前改頭換面，搖身一變成為一間意大利菜餐廳——Holy Fook Italian Fusion Bar & Restaurant @holy_fook_italian_fusion 🇮🇹，當中嚟自澳洲嘅水晶蟹成為咗佢哋嘅招牌菜，餐廳唔少菜式都會見到佢嘅蹤影🦀
餐廳劃分咗幾個區域，分別有泰式、日式同西式主題，
比你喺同一間餐廳裡面體驗到唔同風格。餐廳大廚擁有豐富酒店餐飲經驗，每碟菜式嘅擺盤都花咗唔少心思💕。今次晚市嚟到，見到有多款1人/2人/4人套餐，唔同選擇迎合到唔同人嘅需要：美國頂級巨人戰斧牛肉眼扒🥩、澳洲M5和牛、招牌水晶蟹雪之宴，唔知有無一款啱你呢？
✝️法式干邑帶子龍蝦濃湯 $88
每啖飲落都喺龍蝦嘅精華🦞，當中加入帶子同干邑白蘭地有提鮮作用，最後加埋香料同忌廉做裝飾望落就更吸引🤩
✝️水晶蟹肉雙籽田園沙律配秘製香辣汁 $118
肉質鮮甜又嫩身嘅水晶蟹肉，配上蟹籽同三文魚籽整成高級版田園沙律🥗，
以羽衣甘藍同生菜為主🥬，當然唔少得秘製嘅香辣汁，令成碟沙律惹味同開胃好多👍
✝️即開時令生蠔 $58/隻
法國生蠔雖然唔算大隻同肥美飽滿🦪，但食落以多層次嘅滋味取勝👍。放入口先有海水鹹香🌊，咬落爽脆鮮甜多汁，加埋檸檬汁更加清新，令人想食多幾隻
✝️香煎加拿大有機保濕豬鞍12oz $328
無污染同雜質嘅加拿大豬鞍，以高科技保濕技術令豬鞍鎖水保留肉汁💦，
7成熟嘅粉色肉質鬆軟嫩滑，表面微微煎過令豬鞍更添一份燒烤香味🔥，另外仲有番菇蓉、蘆筍、車厘茄、薯角做伴碟，超級大份又飽肚🤓
✝️廚師精選甜品拼盤
當中有法式特濃朱古力蛋糕、法式彩虹馬卡龍同士多啤梨雪糕🍨，
我最鍾意濃而唔溜嘅朱古力蛋糕，裡面仲有啲朱古力脆粒，朱古力愛好者必試😎
✝️碼頭古力 $48
非常邪惡嘅朱古力特飲🍫，當中加咗朱古力醬同忌廉，仲有一條朱古力威化卷，無論打卡定飲落都好滿足🥰
张贴
