影片
更多
2010-03-11
22 浏览
我好尊重openrice, 我見咁多好評, 成千個, 相對咁少劣評(百零個), 結果就約埋個為食友去試下.好啦, 去到門口, 有乜食呢? menu都唔show出黎, 大佬, 開得餐廳, show個菜單出黎, 話下比人知有咩食, 是常識吧....反正都為左佢黎, 唔show menu唔代表咩既, 入到去食得開心咪得囉, 食野, 無非為開心姐. 我心諗.一入到..無人招呼, 咁見到佢地真係好忙既.. 我理解, 咁見到有位就坐啦.. 坐低左無耐, 見到得3個餐揀.. 早餐常餐快餐... (下...今時今日, 仲生存到既..咁少野食.. 我心諗)我諗, 佢地一定係做到好出色啦! 如果唔係, 點會咁多人食呢?好啦, 28蚊, 1塊方包, 2塊火腿, 2個煎旦, 1個叉燒意粉, 1杯熱奶茶... (28蚊, 食呢D野.. 大老..橫睇掂睇都係早餐咋喎...) 好啦, 樂觀D諗, 一定好好食既之後我點野食, 周圍望望D waiters, 個樣個個都好兇狠, 幾有江湖feel. (這是佐敦特色吧..) 我問, 我唔食豬肉, 可唔可以轉牛肉啊? 佢話得. 我話好啦, 咁要乜乜乜, 可能我少黎啦, 講得
好啦, 去到門口, 有乜食呢? menu都唔show出黎, 大佬, 開得餐廳, show個菜單出黎, 話下比人知有咩食, 是常識吧....
反正都為左佢黎, 唔show menu唔代表咩既, 入到去食得開心咪得囉, 食野, 無非為開心姐. 我心諗.
一入到..無人招呼, 咁見到佢地真係好忙既.. 我理解, 咁見到有位就坐啦..
坐低左無耐, 見到得3個餐揀.. 早餐常餐快餐... (下...今時今日, 仲生存到既..咁少野食.. 我心諗)
我諗, 佢地一定係做到好出色啦! 如果唔係, 點會咁多人食呢?
好啦, 28蚊, 1塊方包, 2塊火腿, 2個煎旦, 1個叉燒意粉, 1杯熱奶茶...
(28蚊, 食呢D野.. 大老..橫睇掂睇都係早餐咋喎...)
好啦, 樂觀D諗, 一定好好食既
之後我點野食, 周圍望望D waiters, 個樣個個都好兇狠, 幾有江湖feel. (這是佐敦特色吧..) 我問, 我唔食豬肉, 可唔可以轉牛肉啊? 佢話得. 我話好啦, 咁要乜乜乜, 可能我少黎啦, 講得斷斷續續...我都未講完, 佢就話, 你諗清楚想食咩先講啦,
wa...洗唔洗咁惡呀.. waiter仲惡過客喎..
我話我想點野飲, 得唔得? 已經係好客氣, 甚至係求佢既語氣. 佢話 成枱都係野, 上唔到啦, 陣間啦, 我會過黎!
同埋, 我朋友個煎旦好耐都無黎, 問佢, 個煎旦未黎, 佢話, 大老, 煎旦要煎架! 等陣啦! (....我都唔敢串佢)
算啦.. 成間鋪頭好似d 麻雀間咁.. 我覺得如果我串佢..會比人打囉..
咁佢疾我..無計.. 入黎食野好似入黎受罪咁.. 我未試過食野食到比人串囉..
FINE, 佢串完之後, 都落左單既, D野食係好快到.. 但係你食慢少少佢都好似比壓力你咁囉..
點講, 入去澳牛食野真係好大壓力, 位細我接受到, 食野食到 逼你落單, 逼你走, 串你, 值得咩?
好啦, 咁佢送到D 野食過黎, 我認真咁試下佢D野食啦.. 我食落..
下, 好普通咋喎.. 個炒旦唔夠M記得炒旦好食囉.. 講真既. M記果個熟D, 佢果個生D囉. 就係呢個分別.
個牛通 好普通, 唔係好難忘, 一般茶餐廳水準. 同埋個牛通 D牛肉, 無牛味既...
最好味係塊包囉.. 佢叫做多士喎..哦..好啦, 無乜所謂, 我覺得我入到去無比班江湖大佬斬都算好彩喇. 奶茶..奶味重過茶味咁.同lipton果D無乜分別, 幾香既, 係好典型既奶茶囉.
之後坐對面果個姐姐話, 你第1次黎? 我話係呀, 聽講幾好, 不過...哈哈( 苦笑)
佢話, 佢黎你先好叫野飲呀, 唔係佢地叉你架. 我話下? 咁都得 ( 之後諗番, 又係既, 入到黎..食野食到聽曬D 待應話, 佢唔比口水你食你仲想點呀, 串番佢地咩..)
好啦..各位..28蚊個普普通通既餐.. 嚴格黎講, 係早餐(飯都無粒!)
最後想講係, 入到去, 你係比人命令, 佢叫你落單你先好落, 佢叫你企係度你試下坐? 係果個氣氛之下你一定唔敢.
衰D講句, 你想試下比人命令, 感受下做下人既感覺, 你入下去食下啦. 野食普通, 不過入去食一次野, 好過睇古惑仔漫畫. 保証親身感受到江湖感覺. 入到去你先知咩叫人在江湖身不由已.
食完果一刻行出黎, 我即刻覺得好自由, 好FREE. 個世界真係好靚! 唔信? 入去食一次就得
有時, 你唔親身去過你都唔知既. 當然, 可能有人好享受呢種感覺啦. 我就唔中2比命令, 同埋係強大既壓力之下食野啦.
张贴