高興 (已結業)

早幾日同朋友係apm行完街，大家都想揾啲野食醫下肚仔，上網查下附近有咩餐廳好介紹，結果有唔少人都推薦呢間cafe，所以就黎試下。我地首先叫左個高興雞中翼配特色醬，本身好好奇會係咩醬，原來係牛油果醬同sour cream，點埋雞翼一齊食好夾，幾好食！我地另外又叫左個美式炸魚配薯條。平時fish and chips就成日食，但呢間餐廳整到炸魚非常香脆而唔乾，好好食！主食我地就叫左2個，有松露雜菌意大利飯同意式蕃茄帶子燴意大利粉。松露意太利飯有好濃嘅黑松露味，中意食嘅一定要嗌！蕃茄意大利粉味道酸酸辣辣，帶子大大粒，非常惹味！！當然唔少得甜品啦，我地叫左個香蕉朱古力班pancake，佢係厚身pancake，食落唔會太甜。幾個朋友share，唔洗5分鐘就食曬，好好食！呢間餐廳食物唔會太貴但質素非常好，下次一定帶朋友再黎食多1次！