二鍋頭 (嘉芙中心)

好似未試過喺出邊打邊爐，個環境係咁疏落，好明顯係因為啱啱放寬限聚令，而呢間嘢有新新地啦。咁對我哋呢啲食客來講舒舒服服唔逼人咪開心囉！

埋單$218一位！我覺得10分超值！包咗雞煲，然後仲有另外一個鍋係任食打邊爐嘅，任食嘅食物方面都好豐富，蜆、蝦、小凡立貝等海鮮都有得任叫，

出邊仲有好多芝士丸啊、蟹籽丸啊、菜類等供選擇，

然後汽水茶果汁雪糕雪條都係任食，

竟然仲有蛋俾你打邊爐，如果唔係叫難食嘅話咁嘅價鉱係好平😍而味道方面有驚喜喎！雞煲煮耐少少食到尾係好夠味嘅好惹味嘅。打邊爐湯底都唔錯，其實真係太多嘢食，基本上我哋只係剔紙仔叫咗一轉任食就飽咗！