Interval | Farmacy (數碼港商場) (已結業)

食左成2個鐘 唔洗趕 😌 食物又有質素🍝Taglolini with Clams自家手工意粉，好少食呢款細意大利麵，試過好幾間手工意粉，P字頭個間連鎖店唔會再去，其他餐廳如involtxxx都好出色，但呢個係我so far食過最岩我口感既意粉，夠Al Dente個汁微辣，接受到，唔會搶左意粉同蜆肉既味～一定會再黎encore‼️🍕Woodfire Parma Pizza制作pizza既地方係開放式，一大塊玻璃望入去見到個炭爐🪵，由外藉廚師處理，用料方面好足料，Parma ham係原塊切片擺上去🐖，並唔係切得細細塊咁放上去，下層既芝士味道好出🧀，食落有層次，上面加左我鍾意食既火箭菜🥬，係來自餐廳內以凍櫃種植既水耕菜。☕Latte 原來是日餐廳1️⃣週年，咖啡免費，2個人叫左一杯凍同一杯熱既Latte，記得好似係2種咖啡豆blend埋。味道 👍👍🗨香港地方雖少，但人才並唔少。呢間餐廳價錢同市區差唔多，但食物質素出色，環境都好舒適，再融洽本地初創企業，絕對推介一試。