第三站 (已結業)

我牛日既前一日，有個同學話請我食飯。咁俾我話事既，二話不說又去番呢間。我地都覺得呢間位置好正，交通方便，野食又好食。咁就繼續食佢啦，呢晚都算幾多人，有小小嘈。鮮果沙律好新鮮，感覺上係即叫即切。味道唔錯架。卡邦拿煙肉長通粉想轉意粉架，不過要加五蚊就唔轉啦。明明上個月都唔使加錢，唔通成本上漲得好緊要。個芝士味唔算太濃，但都唔錯既。小食拼盤之前都食過，所以唔影相啦。其實同之前都差唔多啦，整得好好睇。雖然小食係好普通，但整得好有心機。芝士薯條我以為好細盤，點知份量唔細架。薯條新鮮炸，好惹味。芝士汁算好濃，好正。芝士蛋糕都係咁美味，芝士味好濃。個餅整得好鬆軟，好正。朱古力奶昔好濃朱古力味，又有奶味。實有下次既，樓上cafe佢算幾好食。只不過禮拜五嘈左小小，平日去會好。