意粉屋 (已結業)

觀賞相約星期二之前，就同個同學黎呢度食個晚飯。呢間意粉屋既環境算唔錯，卡位坐得算幾舒服既。咁我地就叫左以下既食物。酥皮龍蝦湯呢個次次必飲既，龍蝦湯鮮味濃郁。裡面都有蝦肉，份量都唔算小既。不過最正都係個酥皮，個酥皮好香牛油味。脆卜卜，浸落個湯到就更好飲。芝士焗茄子又一個好食既小食，茄子係炸過先再加芝士焗既。呢個會幾好食，因為香濃既芝士加上炸茄子。會食到兩個層次既美味，呢個總會好食過芝士焗西蘭花既。菠茶煙三文魚扁意粉呢個意粉都幾好食，忌廉味算幾重。而且呢個意粉幾健康，菠菜既份量幾多，當中又不乏煙三文魚。而且係好新鮮既。煙三文魚海鮮pizza等得最耐，不過真係最好食既一個。因為芝士可以拉到好長好長。而且配料好多，有煙三文魚、蝦、蟹肉、魷魚等等啦。雖然呢間意粉屋無厚批，但我覺得薄批都唔錯架。因為薄批係好脆口架。布丁奶茶好似台式既珍珠奶茶，不過呢個茶味比較濃既。而且有好多既布丁粒，好得意既飲品。本來想食甜品架，但經理同我講。果甜品既材料唔太新鮮，所以停售。唔係既話就食番普通既甜品，咁我決定放棄啦。留番下次先啦。