宏 (已搬遷) 新店位置

今日下午我们再去咗尖沙咀The One嘅「宏」食下午茶！我们叫咗酱油海藻乌冬面、味噌海藻乌冬面、炸猪扒饭套餐加海藻乌冬！而甜品我们就叫咗抹茶窝夫配日本抹茶雪糕、栗子蓉，抹茶曲奇、京都宇治抹茶软雪糕芭菲、抹茶蛋卷、香草蛋卷同榛子杏仁蛋白饼/盐味焦糖杏仁蛋白饼！酱油海藻乌冬面同味噌海藻乌冬面嘅海藻乌冬味道好清香，面质非常爽口弹牙，叉烧嘅肉质相当嫩滑，完全唔会有韧嘅感觉，酱油汤底嘅味道比较清甜，味噌汤底嘅味道比较香浓！炸猪扒饭套餐加海藻乌冬嘅炸猪扒炸得外层相当金黄香脆，猪扒嘅肉质非常松软多汁！甜品：抹茶窝夫配日本抹茶雪糕、栗子蓉，抹茶曲奇嘅窝夫系用抹茶制成，所以味道会比其他嘅窝夫甘香，饼质极之香脆松软，栗子蓉好香甜软滑！京都宇治抹茶软雪糕芭菲嘅白玉相当烟韧弹牙，曲奇亦好香脆！抹茶蛋卷同香草蛋卷嘅仍然都系咁香滑松软，忌廉好香甜软滑！榛子杏仁蛋白饼/盐味焦糖杏仁蛋白饼嘅饼质好香脆，甜道恰到好处，唔会太甜！