影片
更多
2020-02-29
119 浏览
星期五晚好想出街行下食埋飯，去完煙廠街樓上嘅小店行完，最好就喺附近食埋飯啦！眼見附近食店都唔少滿座，行到去喜來稀肉仲有幾張枱，一於就食佢啦！好在行快兩步，我後面嘅人都已經要等位啦！其實市道又好似無我想像中咁差姐，咁當然都可能同顏色有關啦啦啦~兩個人食二人套餐就最好，唔使煩，仲包埋嘢飲， $20內嘅嘢飲仲要唔使加錢！唔食牛嘅我，當然就揀咗呢個二人嘅豬肉組合啦。一嚟到枱面其實已經準備好生菜，同埋幾份配菜喺度，如果肚餓嘅都可以瘋狂食住前菜先，因為係無限任添嘅。其實上菜速度都好快，二人份量都幾豐富，肉質望落去都好新鮮。介紹翻呢個我覺得最好食嘅部份，係護心肉！即係橫膈膜同肝之間嘅肉，每一隻豬得2-300g，食落肉質彈牙有咬口，配上生菜同蒜頭一齊食，真係一流！！！拼盤有齊豬皮，五花腩，豬頸肉，護心肉同豬大腸。豬皮爽口，五花腩肥美，豬頸肉juicy！啖啖肉其實都好難唔飽，如果真係大胃口嘅仲有爐邊嘅泡菜蛋同芝士蛋，唔好忘記套餐仲有飯團波波！再次提提大家，爐邊嘅蛋，生菜都係無限任加嘅！oppa仲會見你個pan燒到黑黑地嘅時候就主動幫你換！真係要即刻講返句”襟沙哈me打”!!
好在行快兩步，我後面嘅人都已經要等位啦！其實市道又好似無我想像中咁差姐，咁當然都可能同顏色有關啦啦啦~
兩個人食二人套餐就最好，唔使煩，仲包埋嘢飲， $20內嘅嘢飲仲要唔使加錢！唔食牛嘅我，當然就揀咗呢個二人嘅豬肉組合啦。
一嚟到枱面其實已經準備好生菜，同埋幾份配菜喺度，如果肚餓嘅都可以瘋狂食住前菜先，因為係無限任添嘅。
其實上菜速度都好快，二人份量都幾豐富，肉質望落去都好新鮮。
介紹翻呢個我覺得最好食嘅部份，係護心肉！即係橫膈膜同肝之間嘅肉，每一隻豬得2-300g，食落肉質彈牙有咬口，配上生菜同蒜頭一齊食，真係一流！！！
拼盤有齊豬皮，五花腩，豬頸肉，護心肉同豬大腸。豬皮爽口，五花腩肥美，豬頸肉juicy！啖啖肉其實都好難唔飽，如果真係大胃口嘅仲有爐邊嘅泡菜蛋同芝士蛋，唔好忘記套餐仲有飯團波波！
再次提提大家，爐邊嘅蛋，生菜都係無限任加嘅！oppa仲會見你個pan燒到黑黑地嘅時候就主動幫你換！真係要即刻講返句”襟沙哈me打”!!
张贴
