菊日本料理 (已結業)

阿爸話同我慶祝生日，阿爸、阿媽、男朋友同我一齊出去食飯，我唔想食得太貴，又唔成日都食D中式野，想食日式野，又驚佢地唔鍾意食生野，就揀左菊日本料理。我地點菜時，侍應好識做咁推介左個新款豆腐煲（試食價＄38）俾我地，清清地唔錯。自己就最鍾意食鰻魚，之前都睇過Ｄ食評話佢地呢個整得麻麻，點知係真的，真係好睇唔好食！富士芝士蟹子烏冬就真係唔錯，好煙"un"，連父母都讚，尤其同個海鮮炒飯比較，個烏冬真係好食好多！另外叫左吉列蠔、大蝦天婦羅呢Ｄ趣口野，都唔錯！鯖魚個皮仲燒得好脆添！羊架仔一般，叫左媽咪愛食的三文魚，另加埋個炒雜菜，就食到我地飽晒！多人食，都几好，可以樣樣都試下，食多Ｄ唔同的野，淨係我地4個人都食左差不多10碟，多人Ｄ應該可以再試多Ｄ款式。唯一唔好的係我揀呢間店，係因為上ＢＥＡ個網話有Discount，去到就話呢張咭的promotion無左。而服務就一流，侍應話無左BEA Discount，之後佢又送返張優惠咭俾我，等我下次黎食時有優惠。