影片
更多
2022-06-07
64 浏览
之前已經想試呢間餐廳好耐，今日咁岩同朋友係旺角行街就提議不如黎呢到食午餐，裝修有一種低調既奢華感，全間餐廳以灰藍色為主調，配上白色雲石枱，高貴得黎好靚。 我同朋友分別一人叫左一個Ｓet lunch 頭盤 : 半熟赤身吞拿魚及無花果 一嚟到見到個擺盤好精緻令人心情好喜悅，軟糯既吞拿魚加上酸酸甜甜既無花果配搭真係好開胃，側邊仲有d好似珍珠咁既物體一咬落去酸酸地，全部野加埋一齊食好夾啊。 主菜 : 加拿大比目魚柳及檸檬牛油汁 比目魚魚腩位油脂豐富配上檸檬好清香，有啲牛油汁點綴充滿油香，配菜仲有d薯仔同埋豆。 主菜 :法式熟成煙鴨胸肉奇異果及菠菜苗沙律 每舊鴨胸下面都有一舊奇異果，奇異果同鴨胸一齊食可以解左鴨胸嘅油膩，沙律菜好新鮮配上酸酸甜甜嘅醋汁非常開胃。原本我哋仲有一個甜品嘅，可惜我哋太飽食唔落，實在太可惜喇 仲有一個非常值得欣賞嘅點就係我叫咗一杯熱奶茶，熱奶茶分別有一個茶壺一隻杯同一壺奶，居然連壺奶都係熱既，好貼心，而且熱檸檬茶嘅檸檬竟然係另上，眾所周知，熱檸茶好易會澀，另上就唔會有呢個問題，真的令我非常驚喜服務殷
裝修有一種低調既奢華感，全間餐廳以灰藍色為主調，配上白色雲石枱，高貴得黎好靚。
我同朋友分別一人叫左一個Ｓet lunch
頭盤 : 半熟赤身吞拿魚及無花果 一嚟到見到個擺盤好精緻令人心情好喜悅，軟糯既吞拿魚加上酸酸甜甜既無花果配搭真係好開胃，側邊仲有d好似珍珠咁既物體一咬落去酸酸地，全部野加埋一齊食好夾啊。
主菜 : 加拿大比目魚柳及檸檬牛油汁
比目魚魚腩位油脂豐富配上檸檬好清香，有啲牛油汁點綴充滿油香，配菜仲有d薯仔同埋豆。
主菜 :法式熟成煙鴨胸肉奇異果及菠菜苗沙律
每舊鴨胸下面都有一舊奇異果，奇異果同鴨胸一齊食可以解左鴨胸嘅油膩，沙律菜好新鮮配上酸酸甜甜嘅醋汁非常開胃。
原本我哋仲有一個甜品嘅，可惜我哋太飽食唔落，實在太可惜喇
仲有一個非常值得欣賞嘅點就係我叫咗一杯熱奶茶，熱奶茶分別有一個茶壺一隻杯同一壺奶，居然連壺奶都係熱既，好貼心，
而且熱檸檬茶嘅檸檬竟然係另上，眾所周知，熱檸茶好易會澀，另上就唔會有呢個問題，真的令我非常驚喜
服務殷勤有禮，媲美五星酒店的卓越服務，下次一定會再次光臨。
张贴
