叠記咖喱

來自澳門的咖喱麵專門店，澳門有六間分店，香港開咗三間，位於旺區嚟講價錢真係好實惠！


咖喱牛腩飯 $52：牛腩炆到好軟爛，一咬就散開，咖喱汁撈飯真係一流！個咖喱味真係好獨特，香得嚟帶點辣，但辣完又會有少少甜味返出嚟，好過癮！牛腩同薯仔炆得好入味！不過真係幾辣，唔食得辣嘅就最好嗌其他嘢，


如珠如寶麵（豬手豬皮豬紅豬頸肉）$52：一碗麵有齊咁多料，真係好豐富！豬手炆到好腍好入味，豬皮吸晒咖喱汁，豬紅又滑又彈，豬頸肉都好有咬口。


總括嚟講，呢間咖喱麵店真係好值得試！佢嘅咖喱味好有特色，同坊間其他咖喱好唔同，而且份量足，價錢又抵，CP值超高！下次經過見到一定要入去試吓，包你唔會後悔！