影片
更多
2018-07-20
73 浏览
第一次認識「莆田」，唔係喺報章雜誌，而係幾年前有日經過「莆田」某分店，五點鐘門口已經大排長龍，咁猛料?! 上網一查，先知係新加坡過江龍。而家喺香港已經發展到有八間分店，唔駛再排隊，可以打電話預訂或者嚟餐廳攞飛，方便好多了。一坐低就奉上一壺菊花茶同一碟餐前小食，好少見用花生同眉豆做小食，幾特別。枱面有一份莆田NEWS，介紹哆頭蟶，哈 第一次聽，個名咁得意嘅? 仲要係蟶中之霸? 有八種食法，任揀兩款口味都係$198，店員都大力推介，當然要一試，我哋叫左一凍一熱。冰爽酒糟蟶子雖然唔係好大隻，但每一隻都好肥美，肥到就嚟脹爆個殼咁。酒糟味好香濃，數一數有十四隻。冰涼透心，好適合夏天嘅一道前菜。食左一半，有一隻係有啲沙，其他都冇沙嘅，質感爽滑。鐵板鹽焗蟶子我覺得呢道菜比酒糟蟶子更出色，用鐵板上枱，加上一層厚鹽，保溫力度好強，由頭食都尾，每隻蟶子都係熱辣辣。雖然係鹽焗，但咬落去竟然好JUICY，又好鮮味，難怪係咁多款口味之中嘅No. 1 。百秒黃花魚顧名思義，用一百秒嚟蒸一條魚，魚肉僅僅熟，超級嫩滑。無太多嘅調味，保留最原始嘅味道。夾起魚肉，冇大、細骨，小朋友同老人家都好啱食。興化炒米粉用蝦、蜆一齊
一坐低就奉上一壺菊花茶同一碟餐前小食，好少見用花生同眉豆做小食，幾特別。
枱面有一份莆田NEWS，介紹哆頭蟶，哈 第一次聽，個名咁得意嘅? 仲要係蟶中之霸? 有八種食法，任揀兩款口味都係$198，店員都大力推介，當然要一試，我哋叫左一凍一熱。
冰爽酒糟蟶子
雖然唔係好大隻，但每一隻都好肥美，肥到就嚟脹爆個殼咁。酒糟味好香濃，數一數有十四隻。冰涼透心，好適合夏天嘅一道前菜。食左一半，有一隻係有啲沙，其他都冇沙嘅，質感爽滑。
鐵板鹽焗蟶子
我覺得呢道菜比酒糟蟶子更出色，用鐵板上枱，加上一層厚鹽，保溫力度好強，由頭食都尾，每隻蟶子都係熱辣辣。雖然係鹽焗，但咬落去竟然好JUICY，又好鮮味，難怪係咁多款口味之中嘅No. 1 。
百秒黃花魚
顧名思義，用一百秒嚟蒸一條魚，魚肉僅僅熟，超級嫩滑。無太多嘅調味，保留最原始嘅味道。夾起魚肉，冇大、細骨，小朋友同老人家都好啱食。
興化炒米粉
用蝦、蜆一齊煮，加上每條都好幼身，更容易吸收鮮味。雖然係炒米粉，但唔覺油膩，都幾乾身，好味！
张贴
