影片
更多
2021-08-15
237 浏览
來自北海道札幌嘅居酒屋－－淳吟Jyungin！除咗供應北海道本店嘅招牌和食及日本料理外，仲引入當地稀有嘅獲獎清酒！老公鍾意飲sake，呢晚就特地同佢過來試下！嚟淳吟一定要試下清酒，呢度有好多獨家引入，比較罕有或得獎嘅清酒，點Sake Flight就可以一次過試到3款。是晚嘅Sake Flight包括：1. 純米大吟醸Princess2. 一生青春 特別純米3. 長寿金亀 純米吟醸酒三款Sake由淡至濃，我自己屬Sake初哥，感覺呢三款入口柔順溫和，口感亦偏向清爽，所以好啱我口味。配搭較濃味嘅和牛牛雜或較清香嘅清酒鮑魚，飲少少酒確能帶出食物嘅味道！親切嘅店員知道老公喜歡味道濃厚一D嘅sake，特意配搭咗另外一款嘅Sake Flight，當中仲有大吟醸呢！清酒浸鮑魚（$88）清酒浸鮑魚雖然份量不多，但味道唔錯，新鮮鮑魚煮至剛剛熟，肉質軟腍爽口，用清酒浸製多日，酒香四溢，非常入味。軟棉蝦夷鹿肉漢堡兩食（味噌燒茄子）（$115）淳吟與其他居酒屋不同嘅地方，在於呢度有好多出名少見嘅特色料理，甚至連野味鹿肉都可以食到。軟棉蝦夷鹿肉漢堡兩食其實係北海道蝦夷鹿肉混合和牛手打而成，怕鹿肉羶味嘅都可以接受
嚟淳吟一定要試下清酒，呢度有好多獨家引入，比較罕有或得獎嘅清酒，點Sake Flight就可以一次過試到3款。
是晚嘅Sake Flight包括：
1. 純米大吟醸Princess
2. 一生青春 特別純米
3. 長寿金亀 純米吟醸酒
三款Sake由淡至濃，我自己屬Sake初哥，感覺呢三款入口柔順溫和，口感亦偏向清爽，所以好啱我口味。配搭較濃味嘅和牛牛雜或較清香嘅清酒鮑魚，飲少少酒確能帶出食物嘅味道！
親切嘅店員知道老公喜歡味道濃厚一D嘅sake，特意配搭咗另外一款嘅Sake Flight，當中仲有大吟醸呢！
清酒浸鮑魚（$88）
清酒浸鮑魚雖然份量不多，但味道唔錯，新鮮鮑魚煮至剛剛熟，肉質軟腍爽口，用清酒浸製多日，酒香四溢，非常入味。
軟棉蝦夷鹿肉漢堡兩食（味噌燒茄子）（$115）
淳吟與其他居酒屋不同嘅地方，在於呢度有好多出名少見嘅特色料理，甚至連野味鹿肉都可以食到。軟棉蝦夷鹿肉漢堡兩食其實係北海道蝦夷鹿肉混合和牛手打而成，怕鹿肉羶味嘅都可以接受，不過對於較為重口味嘅我倆來講，都係希望鹿肉成份可以多一D，因為我哋就係鍾意食鹿肉獨有嘅味道呢！雖然話係二食，但原來茄子只係作為擺碟，同想像中有D唔同呢！
海鮮大阪燒（$90）
海鮮大阪燒雖然size亦比較迷你，但係我哋食過最足料嘅一份大阪燒，海鮮好多，麵粉比例較少，味道非常豐富！
土手味噌煮日本黑毛和牛牛雜（$98）
土手味噌煮日本黑毛和牛内臟一鍋有唔同嘅内臟，如：牛肚、牛腸、牛肝等，內臟吸收味噌嘅香味，送酒一流！
张贴
