豚丼のぶたはげ (德福廣場1期)

营业中

休息中

愈嚟愈多日本過江龍餐廳進駐香港，「豚丼のぶたはげ BUTAHAGE」係一間來自北海道十勝帶廣嘅人氣豚丼專門店，經過德福廣場見到都幾多人食，梗係要去試吓啦🔻牛油粟米稀有豚肉丼定食賣相好精緻，托盤上有齊豚丼、前菜、日式湯、茶碗蒸同甜品，相當豐富。十勝豚丼上嘅豚肉採用優質珍稀嘅「KAMIKOMI豚」十勝豚切片，燒至微微焦香後仍保留豐富肉汁，每一口都軟稔味美，肉味濃郁，配合金黃牛油同香甜日本粟米，真係非常滋味！🔻日本產稀有豚肉天丼定食同樣採用十勝豚，第一次食豚肉天婦羅，原來口感好好，外層天婦羅炸衣厚薄恰到好處，咬落香脆可口，豚肉嫩滑多汁，加上天婦羅醬汁，味道非常唔錯～丼飯入面仲有半熟蛋、野菜同紫菜，都幾豐富吓！定食配上嘅蝦味噌湯同松露什菌茶碗蒸同樣出色，特別喜歡茶碗蒸，蛋味濃郁又香滑，仲有好多菇係入面。