辣吧 (已結業)

今晚來到尖沙咀諾士佛臺與兩位親友吃晚飯，我哋都係愛辣及海鮮之人，我哋選擇了到「辣吧」呢間咁有中國特色及玩味重的餐廳，來一個充滿火辣辣海鮮鍋嘅晚上。每日happy hour會有買1送1嘅優惠，我呢位啤酒當水飲嘅人，一定唔會錯過啦～嚟到「辣吧」又點可以唔叫海鮮鍋呀～有六款海鮮或八款海鮮，仲有小、中及大麻辣比你揀。海鮮好新鮮，而且份量十足，我哋3人叫了2人份量剛剛好食得晒，如叫足3人份量就怕吃不完。六款海鮮(每份$288)有蝦、鮑魚、魷魚、蜆、蟹及扇貝，再加4款土豆粉、白蘿蔔、薯條及豆卜，超級大滿足。湯底味道有鮮甜海鮮味，我覺得中辣也不是太辣，下次可以試大辣。整體上價錢非常合理，份量超十足，而且環境都很舒適，下次再有朋友想食海鮮鍋，我必定會來。