松記糖水店 (已結業)

飲完茶好想食碗糖水, 我們去了松記, 三個人叫左兩個糖水, 唔知係咪下午的關係, 所以冇人的呀, 仕應只有一個在酒面, 另一個係入面負責整水糠水的, 我們叫左一碗腐竹雞蛋糖水加湯丸, 等左好耐先嚟, 仲要唔係好夠熱的呀. 個賣相都吸引的, 有三粒湯丸, 芝麻味道的, 先講腐竹湯水, 都煲到全部腐竹淋晒的, 好香及好味, 唔會好甜, 仲有少少一片片的腐竹係度, 仲有一隻雞蛋添呀. 雞蛋熟晒的, 吸晒D湯水味, 甜甜地好美味的. 另外的湯丸, 個皮算薄的, 入面芝麻就唔流心的, 唔夠多,但都OK.另外一碗桂園蓮子雞蛋糖水, 這個等得仲耐, 不過嚟係原盅上的, 熱辣辣好香呀. 本來我係諗住食桑寄生蛋茶, 但係這裏沒有, 所以叫左呢個. 好清香, 唔會好甜, 淡淡的桂圓味, 飲落肚好舒服的, 桂圓份量唔算好多, 但都好甜的, 雞蛋又係原隻的. 都係全熟雞蛋. 好味, 夠香, 這碗份量都好多, 飲完成個人暖晒.