松記糖水店 (已結業)

以為松記重開，點知原來假既 份量少 味道唔係松記既味道 西米露稀到...Summer得個幾啖水果！唔怪得星期五晚都得個十個人，早知過元朗松記食好過啦！又加曬價！咪黎食呀！

叫左碗凍白果腐竹蛋糖水，完全無腐竹白果味但居然有雲尼拿味唔甜勁水，白果乾硬的我未食過一碗咁難食的腐竹糖水囉⋯⋯$26碗，難食都照食非常噁心，挑戰味覺的你不妨一試

重要既事要講三次！垃圾！垃圾！垃圾睇完戲諗住黎食個糖水😩點知咁驚喜同元朗個間差九丈遠依間垃圾到唔垃圾楊枝金露得一舊仔芒果又冇芒果汁，全部西米黎個雪糕又係冰黎，冇乜味成碗野都係白色既搵小小黃色都難另外個芒果世界首先個店員都幾搞笑，完全唔知乜嘢係芒果世界，跟住，要搞到我哋搵餐牌指俾佢睇，佢先可以幫我地落到單，到個芒果世界嚟到個賣相令我哋嚇一嚇上面有幾條好似薯粉咁既野又係冇芒果汁果肉又得一細舊我真係唔知我食緊咩比百幾蚊食埋啲咁既野依間我永遠都唔會再食寧願遠啲都去元朗食

獨個兒在屯門，又要等太太，留在佛堂呆坐又太悶，不如到處走走。而這一走，我發現這井財街一帶，又有變更了。不過，是日的食力有限，所以不試吃新店了。但逗留在街始終也是太悶。所以，我決定找個地方坐，找個地方輕輕點食，結果，我睇中了《松記糖水店》。吃什麼好呢? 簡單、傳統、流質的東西是最合香港人口胃的，所以，我來了一客楊枝甘露。這，其實是西米露，另外再加上柚子果肉同芒果漿。味道，的確是楊枝甘露的味道，但我此時才知道，糖水店的西米露，其實是百搭的。很好的一間《松記糖水店》，而且這一店完全沒有連鎖店的討厭風格，店員，也許是店主，是兩名老人家，街坊風情十足的。而這令我覺得，這應該是一家加盟店，所以可以很 local，很街坊。值得給一個 like。

松記糖水店已經是眾人皆知，元朗總店已成名多年， Fans 非常多，今次光顧是屯門區分店。「松記的綿綿冰」是豆腐味，輕薄細緻的層層薄冰片重重疊疊堆成的小冰山。吃一口, 又像雪花，又像雪糕。松記提供自選的佐料及不同味道的汁料，我選了朱古力醬和乳酸爆珠，朱古醬比較少，但份量太多會膩，剛剛足夠。乳酸珠數量多，半透明的珍珠，在口中真的一顆一顆爆開，口感及味道頓時產生微妙變化，使食味更復雜，滿分之作，更加一試難忘。大家有時親自來試試便最清楚不過了。

吃飽飯經過松記，幾飽也想來一碗。晚飯吃得太飽，決定買回家吃。原來想吃杏仁露，但店員說没有，就選了合桃露。熱騰騰的合桃露有點稀。味道不算太濃，但未至於稀淡。20幾蚊，還算可以。款款湯丸都想吃？來個六寶吧~ 芝麻湯圓、奶皇湯圓、花生湯圓、紫米奶皇湯圓、綠茶奶皇湯圓、紅豆湯圓，各樣一粒。每種都有不同口感，總有一款合您心意~皮薄而煙韌，奶皇餡香滑。雖說是綠茶，但不嚐到綠茶色。紫米皮比綠茶更煙韌，點點的紫米蠻有口感。小妹較喜歡。紅豆湯丸皮有點厚，紅豆蓉不夠幼滑。芝麻湯圓蠻軟熟，餡料也特別濃郁、豐富。本身不太愛吃芝麻味，也覺得不錯~純奶皇味也蠻皮薄餡靚，但還是喜愛紫米奶皇多點 花生湯丸的餡料口感較粗糙，不夠幼滑。花生味不算太濃烈，蠻煙韌~薑味糖水甜度適中，薑味頗濃、蠻足料。下次會全部要紫米奶皇湯圓

在太富人家吃過晚飯後，走到不遠的松記吃糖水。還是再選叫幻彩明珠，只是多加了一球芒果雪糕，寶貝叫了一客楊枝甘露加芒果雪糕，友人及其男友就叫了一客榴蓮綿綿冰及芒果班戟。店員態度有禮，不過這分店店面實在擠迫，不宜久坐。等待食物上桌時間比預期中久。芒果班戟：芒果肉份量不多，而且看來扁塌的樣子，賣相並不理想，還好芒果尚算香甜楊枝甘露：芒果汁份量不足，而附加的芒果雪糕人工味太重，影響食味幻彩明珠：水果份量偏少，同樣是因為芒果雪糕影響了整體的味道唉，幻彩明珠，果然失色了。

飲完茶好想食碗糖水, 我們去了松記, 三個人叫左兩個糖水, 唔知係咪下午的關係, 所以冇人的呀, 仕應只有一個在酒面, 另一個係入面負責整水糠水的, 我們叫左一碗腐竹雞蛋糖水加湯丸, 等左好耐先嚟, 仲要唔係好夠熱的呀. 個賣相都吸引的, 有三粒湯丸, 芝麻味道的, 先講腐竹湯水, 都煲到全部腐竹淋晒的, 好香及好味, 唔會好甜, 仲有少少一片片的腐竹係度, 仲有一隻雞蛋添呀. 雞蛋熟晒的, 吸晒D湯水味, 甜甜地好美味的. 另外的湯丸, 個皮算薄的, 入面芝麻就唔流心的, 唔夠多,但都OK.另外一碗桂園蓮子雞蛋糖水, 這個等得仲耐, 不過嚟係原盅上的, 熱辣辣好香呀. 本來我係諗住食桑寄生蛋茶, 但係這裏沒有, 所以叫左呢個. 好清香, 唔會好甜, 淡淡的桂圓味, 飲落肚好舒服的, 桂圓份量唔算好多, 但都好甜的, 雞蛋又係原隻的. 都係全熟雞蛋. 好味, 夠香, 這碗份量都好多, 飲完成個人暖晒.

冬天天氣忽冷忽熱，變化得總讓人猜不透。每當外出晚飯後，一定會有例牌動作 - 吃糖水。不論在任何時間、任何季節時份，吃糖水的意義是讓出再多點時間出來與朋友短暫聚一聚、談談心。今晚又來到例牌吃甜品的老地方。湯圓是冬天經常吃到的一種食品，寓意著一家人能夠團團圓圓。今次沒多想情況下就點選了六寶湯圓，只因天氣冷關係，吃些暖暖的來保溫。六寶湯圓數量確實是六粒，不多不少，每一粒口味也不同。花生餡花生餡湯圓，餡多而且糯米皮薄，吃出粒粒花生，相對其他湯圓來得更香口及有咬口。綠茶皮奶皇餡最愛吃的奶皇餡配綠茶皮，先咬半口，只輕微感覺綠茶味道，相信是被那濃郁奶皇餡所掩蓋。兩者食品也是我的至愛。兩者配搭在一起，味道出乎地夾。湯圓配薑湯，感覺薑味不是太突出 (可能習慣媽媽煮的重薑味關係)，邊吃邊喝下，全身也感覺到暖笠笠。幸好每一粒，吃下去感覺也不同。不然的話，恐怖未吃到一半已相當的膩。近年甜品舖款式新穎，有時回歸一下吃回傳統甜品。 

食完團年飯仲早, 我們去了景峰食糖水, 好彩仲早, 所以未開始等位及多人, 但入面都full晒, 冇大枱了, 我們十人坐出面. 點左蕃薯糖水, 薑汁湯丸, 楊枝甘露, 芒果布甸, 腐竹雞蛋, 綠豆沙加豆腐花, 蕃薯好大舊呀, 好味, 夠淋又香都甜. 個糖水都唔算好薑, 但都ok, 芒果布甸賣相都幾靚喎, 有幾舊芒果, 好似好甜咁. 楊枝甘露好奶咁, 家姐話好味, 我的腐竹雞蛋糖水好味呀, 唔係好甜, 腐竹係爛晒的, 好正, 原隻雞蛋.  湯丸係芝麻味的, 都好淋, 個皮好薄的. 第一次成家人一齊食糖水呀.

屯門開左松記,成日經過都見到冇人食,以為好難食,有機會就去試下,我們係第一批的客人,冷氣也未開呀....分別點左幻彩明珠, SMILE同埋熱綠豆沙. 幻彩明珠係有些生果,芒果汁,西米珠珠, 涼粉及千色仔, 夠凍, OK的呀, 幾清涼呀, 唔會好甜.SMILE係雪糕球配朱古力百力支, 有些生果係底, 我個妹話次次嚟松記都食,好味的,雪糕可以選擇兩種味道. 綠豆沙都唔甜好味.屯門的這個地方可能唔太方便,所以人流一般.

非常失望的一次堂食經驗!!原本跟家人抱著期盼的心情去松記糖水堂食…晚上8時多到沒客人, 各位侍應們都很悠閒,不斷大聲閒聊,由我們入座到離開也沒有停止過…好,首先先談食物!!心太軟 –心太軟中間流心不夠暖, 過份的甜, 雪糕不夠凍, 上到枱面已在溶化中,令人不想繼續吃…完全不推薦大家試食心太軟..一件心太軟加一球雪糕已經$40- 不值!!!榴槤班cake–榴槤班cake的外皮太硬, 入面不夠凍留有餘溫,感覺很奇怪有些噁心, 而且榴槤味不足,加上榴槤有渣, 實在令人失望…一件榴槤班cake 大約$28元,價位偏高,但質量卻偏低…桂圓蓮子蛋茶 –桂圓蓮子蛋茶上枱夠熱 ,看上去材料都足 ,但一入口原全感覺不到有味道,非常之淡, 食材有點不新鮮, 蓮子有苦味, 應該是沒有去掉蓮子心, 異常失望!!! 一盅大約$25元, 內外不符..食物已經令人失望, 想不到我們得到的服務更是令人驚訝~~當中其中一位服務生好像很不高興我們叫食物打斷了她的高談闊論, 相當悔氣! 選擇雪糕口味的時候, 詢問有什麼味道的時候, 她沒有回答, 只大力反轉餐牌用手指敲枱, 然後黑面掉頭繼續與其他同事高聲閒聊, 態度令 “嘆

松記糖水終於都進駐屯門區，這間店舖位置不設於市中心一帶，算係遠離人流既位置。那天星期日下午四點多，人流不算多，晚上時間應該會比較多人吃。看了餐牌，原本打算試下佢出名既甜品。但見到餐牌上這個新甜品既出現，當然要試一試。紫皇卷 ($25)  主要就係用紫糯米來包住蕃薯肉，配上椰汁冰，還有琉璃珠。雪凍過的紫糯米，吃起來口感比較硬。但內裡既蕃薯肉既軟又甜，基本上我是吃內裡蕃薯肉多於出面紫糯米。椰汁冰同琉璃珠，俾既真係唔算多。如果椰汁冰份量可以加多一點的話，吃起來可以中和返。因為要吃紫糯米時候，總要配上椰汁吃才好。不然就這樣吃會很漏。基本上一個女仔要吃完這個甜品的話，會很飽的。心太軟 ($38) 基本上出面很多時候都叮到，但在松記吃心太軟也是第一次。這款甜品是即叫即整，等既時候也聞到它在焗爐製作當中。朱古力蛋糕外層鋪上糖霜，周邊圍滿脆粒，再配上雪糕，賣相不錯。當切開時候，內層流心朱古力湧出來。蛋糕沾上朱古力，再加上少許雪糕，暖加上凍既吃法最好味，味覺上有衝擊。今次時間沒太多人，感覺很寧靜。可以慢慢享受甜品而不是衝衝忙忙吃完。

叫左個紫米露，味道偏淡，但份量係其他分店2/3左右。另外再吃芒果布町就出事了，d芒果根本係爛芒果！食得出係爛芒果嘅味(以前食過),見隔離有個女仔投訴，所以已經無出聲了，不會再去食，寧願去元朗店。

聽過咁多次松記依個名，但係都冇去食過，點知近期係屯門開左，所以同屋企人食完飯就去試下一去到松記門口勁多人係到等位，以為等好內啦，點知十分鐘到就入得去，入到睇一眼就見到心太軟就冇睇到其他就叫左 ，而我啲屋企人都係叫啲人氣啲既糖水例如summer個啲啦 ，個到既員工效率勁快，落左單唔夠兩分鐘就已經有得食仲好足料，而心太軟因為係即叫即整所以就內小小 不過個心太軟真係好好食味道岩岩好，唔會太甜 下次再去試下其他唔同既糖水先，誠意推介去試下屯門松記。