大壹燒鵝 (MOSTown Street新港城中心大街(3期))

今日阿姨請食晚飯，阿姨話佢屋企樓下新開左一間餐廳燒鵝幾好味，所以就去左大壹燒鵝食晚飯。

我哋叫咗兩份燒味瀨粉，分別係乳豬瀨粉同燒鵝瀨粉，再加多兩個小菜。

- 乳豬外脆內軟，不過有少少肥

- 燒鵝冇得輸！食落口有一種煙熏嘅味道，燒鵝皮好薄，食落好香口，唔會好油膩。所以一定要食。

椒鹽鮮魷 - 份量十足，睇得出係即叫即炸，粉漿唔會太厚，入面魷魚炸過都依然好彈牙，唔會𡁻極都𡁻唔到。

拔絲咕嚕肉 - 咕嚕肉個皮好脆，應該係用梅頭肉食落淋身，舊舊肉，完全無骨。 佢個掛汁唔會過多，酸甜味剛剛好，而且少見用蕎頭解膩，又可令整體味道帶酸。