Ukiyo

餐廳位於商場頂層，坐擁180度靚城景，入夜因反光略微失色。

嗌咗個all day($188):慢煮澳洲和牛板腱、胡麻菠菜、牛蒡漬、蘿蔔漬、紅芝漬、炒蛋、自家製酸種麵包🥖黑松露日本本菇。

all day:慢煮澳洲和牛板腱、胡麻菠菜、牛蒡漬、蘿蔔漬、紅芝漬、炒蛋、自家製酸種麵包🥖黑松露日本本菇。

$188

炒蛋色水咁淺又稀，少少水謝謝，未食都心知不妙，食落無想像中咁差，係無咩味，好淡口。漬物正常發揮，菠菜份量唔錯，麻醬可以再香啲惹味啲。個牛又係沾滿麻醬，有啲唔襯，牛可再嫩一點。麵包幾出色，算係外脆內軟，可惜凍冰冰。

另外嗌咗和風煙薰辣茄汁配慢煮和牛面頰手工意大利🇮🇹寬帶麵（$188）。個名夠哂長夠哂霸氣，麵條係好食，煙煙韌韌，帶蛋香，茄汁🥫清新帶出食材鮮味，個牛淡淡哋，口感嫩滑但爭緊啲牛味。

和風煙薰辣茄汁配慢煮和牛面頰手工意大利寬帶麵

$188

最後叫咗mocha($50) & 西村抹茶🍵牛奶($60)，不過不失，特別mocha無乜朱古力味。

總括嚟講，咩都爭啲，合格但無乜誘因令你好想回頭(可能我哋無嗌佢啲招牌甜品啦)。唯服務貼心友善，環境舒服😌，如果想喺鬧市搵個位傾吓偈，都不失為一個好選擇。