【特色卜卜蜆】
唔想成日都喺清湯/紅糖打邊爐嘅你，可以試下呢個！卜卜蝦鍋一上枱就仙氣縈繞，成個畫面勁有儀式感！個鍋底真係足料，鋪滿哂大大隻嘅沙白同埋爽脆嘅芽菜。啲沙白處理得好好，一啲沙都冇，食落好放心。個湯底一路滾，啲鮮甜味就一路滲出嚟，愈滾愈濃郁！
【大滾友牛肉拼盤】🐮
講到仙氣，呢個牛肉拼盤點可以冇份？一上枱就煙霧瀰漫，夠晒搶眼！個拼盤可以一次過試勻七款唔同部位，包括手切外裙肉、牛肉粒、牛舌同本地手切牛頸脊等。款款都有自己個性，共通點就係牛味超濃，輕輕喺鍋裡滾兩滾就食得，最特別喺有一款用花雕浸住幾過癮！
【珊瑚桂花蚌雙拼】🌊
好少喺出面餐廳有呢兩款嘅雙拼，爽脆加埋卜卜蜆嘅鮮味，食到晒海鮮嘅本身鮮甜。
【手打鵝肝墨汁墨魚丸】🦑
呢個真心出色，我本身一個唔係好鍾意食丸嘅人都覺得佢又咬口！
