千盛 (已結業)

之前已經聽聞過呢間日式小店 住喺附近嘅朋友話俾我聽呢間舖頭之前喺勝利道 但係近排就搬咗過嚟窩打老道😮 呢度嘅裝修好靚 好多日式燈籠同埋日式掛畫😺 除咗有我今次食嘅燒肉同埋丼飯之外 仲有串燒食㗎千盛黑毛和牛燒肉套餐 梅呢度選用咗熊本縣藤彩A5和牛 雖然係A5和牛 但係完全唔會太過肥膩 因為老闆娘同我地介紹呢個品種嘅和牛係紅肉多過脂肪㗎 所以真係唔會太肥膩🤩 而且牛味濃郁 餐廳選用咗電爐 雖然冇咗明火燒果種風味 但比較安全 又唔會咁易燒燶 我都幾鍾意🐮 100g嘅和牛都有好多片 呢個價錢嚟講幾扺食 仲配有麻醬沙律🥗 麵豉湯 同埋珍珠米🍚千盛和牛丼呢個丼飯同樣有沙律菜同埋麵豉湯 沙律菜就係胡麻沙律 有粟米 生菜🥬 千盛和牛丼嘅和牛係和牛粒粒 每一粒都好Juicy 油脂感爆滿🥰 同樣係高質素嘅和牛 不過今次就唔駛我自己煮啦🤣 丼飯嘅份量好多 牛肉同埋飯嘅比例都好適中 有飯素同粟米係度🌽 望落都好豐富㗎明太子雞翼一碟有三隻 每隻雞翼都好飽滿 明太子塞到滿滿😍 外層又燒得好脆 食落口有少少辣辣地椒鹽雞軟骨呢碟嘅雞軟骨炸粉好薄 配埋椒鹽真係冇得彈😚 呢個作為佐酒小食 真係一流Premium生啤呢個有