影片
更多
2020-04-18
28 浏览
2020年4月14日 星期二“人怎會越愛越過份 我越錯越要問我越問越是未稱心當找到服從枕邊人心癮 又會想偷一個吻”呢排成日留係屋企做嘢，聽歌係唯一既娛樂，搞到個人無乜心機，所以今日就同女朋友出街行一陣，夜晚難得可以一齊食餐飯行到去何文田附近見到有一間專食牛肉飯嘅舖頭，由於太耐冇食過牛肉飯，所以心思思好想食就入咗去裏面嘅位置唔算好大，可以直接見到廚房裏面店員煮緊嘢食，d香氣即時飛晒出嚟見到餐牌雖然選擇唔算太多，不過睇圖片都覺得好吸引，除咗丼飯之外，竟然仲有和牛熱狗同和牛三文治，價錢仲要好貼地添喺餐牌嘅隔離就見到呢一張海報，裏面寫得好清楚牛肉唔同部位嘅中日名稱，了解左更加多等左一陣我叫嘅葡萄豚肉丼就到，睇佢好似細細碗咁，但係食落份量都唔少，上面嘅豬肉幾厚身，燒得幾香口，其中最出色嘅係個醬汁，惹味得黎又唔口渴，就咁食個醬汁撈飯都可以食兩碗女朋友叫既呢個御勝牛和牛丼更加無得輸，和牛雖然切成一粒粒，不過口感仲有係到，油脂同肉汁嘅比例啱啱好，而白飯就吸收晒d汁，所以好香肉味，女朋友食到停唔到口
“人怎會越愛越過份 我越錯越要問
我越問越是未稱心
當找到服從枕邊人
心癮 又會想偷一個吻”
呢排成日留係屋企做嘢，聽歌係唯一既娛樂，搞到個人無乜心機，所以今日就同女朋友出街行一陣，夜晚難得可以一齊食餐飯
行到去何文田附近見到有一間專食牛肉飯嘅舖頭，由於太耐冇食過牛肉飯，所以心思思好想食就入咗去
裏面嘅位置唔算好大，可以直接見到廚房裏面店員煮緊嘢食，d香氣即時飛晒出嚟
見到餐牌雖然選擇唔算太多，不過睇圖片都覺得好吸引，除咗丼飯之外，竟然仲有和牛熱狗同和牛三文治，價錢仲要好貼地添
喺餐牌嘅隔離就見到呢一張海報，裏面寫得好清楚牛肉唔同部位嘅中日名稱，了解左更加多
等左一陣我叫嘅葡萄豚肉丼就到，睇佢好似細細碗咁，但係食落份量都唔少，上面嘅豬肉幾厚身，燒得幾香口，其中最出色嘅係個醬汁，惹味得黎又唔口渴，就咁食個醬汁撈飯都可以食兩碗
女朋友叫既呢個御勝牛和牛丼更加無得輸，和牛雖然切成一粒粒，不過口感仲有係到，油脂同肉汁嘅比例啱啱好，而白飯就吸收晒d汁，所以好香肉味，女朋友食到停唔到口
张贴
